| e-texts navigator |
| Wylie |
168a1 མཁའ་མཛོད་ཉིད་དང་། ལག་ན་རིན་པོ་ཆེ་ཉིད་དང་། བླ་ན་མེད་པ་ཐམས་ཅད་མཁྱེན་པའི་ཡེ་ཤེས་འཐོབ་པ་དང་། གཞན་ཡང་། འཇིག་རྟེན་དང་། འཇིག་རྟེན
168a2 ལས་འདས་པའི་དགེ་བའི་རྩ་བ་གང་དང་། གང་ལགས་པ་དེ་དག་སེམས་ཅན་ཐམས་ཅད་ལ་ཡང་དག་པར་གྲུབ་པར་གྱུར་ཅིག་།གང་སེམས་ཅན་ཐམས་ཅད་ལ་དགེ་བའི་རྩ་བ་བསྔོ
168a3 བ་ཨ་བགྱིས་པ་དགེ་བའི་རྩ་བ་བསྔོས་པ་དེ་ལས་བསོད་ནམས་ཀྱི་འབྲས་བུ་ཡོད་པ་གང་ལགས་པའི་དགེ་བའི་རྩ་བ་འདིས་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན
168a4 པར་རྫོགས་པར་སངས་རྒྱས་ནས་སེམས་ཅན་མ་བརྒལ་བ་རྣམས་ནི་བསྒྲལ་བར་བགྱིའོ། །མ་གྲོལ་བ་རྣམས་ནི་དགྲོལ་བར་བགྱིའོ། །དབུགས་མ་བྱིན་པ་རྣམས་ནི་དབུགས་འབྱུང
168a5 བར་བགྱིའོ། །མྱ་ངན་ལས་མ་འདས་པ་རྣམས་ནི་ཡོངས་སུ་མྱ་ངན་ལས་བཟླ་བར་བགྱིའོ། །སྨན་པ་དང་། བདེ་བའི་མཐའི་གནས་ཀྱི་གཞི་ལ་རབ་ཏུ་དགོད་པར་བགྱི་སྟེ། དེ་ལྟར་ལན
168a6 གཉིས་ལན་གསུམ་དུའོ། །འཕགས་པ་བསམ་པ་ཐམས་ཅད་ཡོངས་སུ་རྫོགས་པར་བྱེད་པ་ཞེས་བྱ་བའི་ཡོངས་སུ་བསྔོ་བ་རྫོགས་སོ།། །།འཕགས་པ་འགྲོ་བ་ཐམས
168a7 ཅད་ཡོངས་སུ་སྐྱོབ་པར་བྱེད་པ་ཞེས་བྱ་བའི་ཡོངས་སུ་བསྔོ་བ། སངས་རྒྱས་དང་། ཆོས་དང་། དགེ་འདུན་ཐམས་ཅད་ལ་ཕྱག་འཚལ་ལོ། །སངས་རྒྱས་བཅོམ་ལྡན་འདས་དང་། བྱང
iiif viewer powered by OpenSeadragon
