| e-texts navigator |
| Wylie |
136b1 པའི་འཇིག་རྟེན་གྱི་ཁམས་རྣམས་སུ་འཇུག་གོ་། དེ་བས་གོང་དུའང་མཆོད་པ་ཡོན་ཏན་དཔག་ཏུ་མ་མཆིས་པ་དང་ལྡན་པ། དགེ་བའི་རྩ་བ་ཆེན་པོའི་ཤུགས་ཀྱིས་བསྐྱེད་པ། རྡོ་རྗེའི་དབང་པོ
136b2 སྣང་བར་བགྱིད་པ། སངས་རྒྱས་ཀྱི་ཡུལ་ཐམས་ཅད་དུ་སྣང་བའི་མེ་ཏོག་གི་རྒྱལ་པོའི་ཡེ་ཤེས་ལས་བྱུང་བའི་མཆོད་པས་དེ་བཞིན་གཤེགས་པ་དེ་དག་ལ་བསྟི་སྟང་དུ་བགྱིའོ། །བཙུན་པར
136b3 བགྱིའོ། །རི་མོར་བགྱིའོ། །མཆོད་དོ། །གསོལ་ལོ། །རིམ་གྲོར་བགྱིའོ། །ཇི་ལྟར་བདག་གི་དོན་དུ་མཆོད་པ་དེ་བཞིན་དུ་འཇིག་རྟེན་གྱི་ཁམས་རབ་འབྱམས་མ་ལུས་པ་ཐམས་ཅད་ན་སེམས
136b4 ཅན་ཇི་ཙམ་སེམས་ཅན་གྱི་རིས་ན་མཆིས་པ། སེམས་ཅན་གྱི་ཁམས་དེ་དག་ཐམས་ཅད་ཀྱི་ཆེད་དུའང་དེ་བཞིན་གཤེགས་པ་དེ་དག་ལ་མཆོད་པར་བགྱིའོ། །དེ་ལྟར་བདག་དེ་བཞིན
136b5 གཤེགས་པ་ལ་མཆོད་པའི་སྟོབས་ཀྱིས་བརླན་པའི་སེམས་བསྐྱེད་པ། བྱམས་པ་ཆེན་པོ་དང་། སྙིང་རྗེ་ཆེན་པོས་ཉེ་བར་བསྟེན་པ། འགྲོ་བ་ཐམས་ཅད་ཡོངས་སུ་བསྐྱབ་པའི་སྨོན་ལམ་དང
136b6 ལྡན་པས་དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་ཀྱི་མཛོད་ཀྱི་རྗེས་སུ་ཞུགས་པར་གྱུར། ཤེས་རབ་དང་། ཐབས་ཀྱི་སྟོབས་ཆེན་པོས་ཡོངས་སུ་བཟུང་བར་གྱུར། བདུད་ཀྱི་ལམ
136b7 དང་། ཡུལ་ཐམས་ཅད་ལས་ཡང་དག་པར་འདས་པར་གྱུར་ནས་སྒྲིབ་པར་འགྱུར་བའི་ལས་ཐམས་ཅད་བཤགས་པར་བགྱི་སྟེ། གང་སངས་རྒྱས་བཅོམ་ལྡན་འདས་རྣམས་ཀྱིས་བཀའ་མ
iiif viewer powered by OpenSeadragon
