| e-texts navigator |
| Wylie |
135b1 མོངས་པ་མ་མཆིས་པའི་ཆོས་ལས་བྱུང་བ། མངོན་པར་འདུ་བགྱིད་པ་མ་མཆིས་པའི་ཕྱག་རྒྱས་བཏབ་པ། ཡེ་ཤེས་སྒྱུ་མ་ལས་ཤིན་ཏུ་ཡོངས་སུ་གྲུབ་པ། ལས་སྒྱུ་མ་ལས་ཤིན
135b2 ཏུ་རྣམ་པར་ཕྱེ་བ། གནས་ཐམས་ཅད་ལས་ཤིན་ཏུ་སྤངས་པ། འཇིག་རྟེན་སྒྱུ་མ་ལས་བྱུང་བ། ངོ་བོ་ཉིད་ཀྱི་ཆོས་དང་འབྲེལ་པ། ཡང་དག་པར་རྫོགས་པའི་སངས་རྒྱས་ཀྱིས་བཀའ
135b3 སྩལ་པའི་མཆོད་པས་དེ་བཞིན་གཤེགས་པ་དེ་དག་ལ་བསྟི་སྟང་དུ་བགྱིའོ། །བཙུན་པར་བགྱིའོ། །རི་མོར་བགྱིའོ། །མཆོད་དོ། །གསོལ་ལོ། །རིམ་གྲོར་བགྱིའོ། །གོང་དུའང་བྱང་ཆུབ
135b4 སེམས་དཔའ་དེ་བཞིན་གཤེགས་པའི་རྒྱུད་བསབ་པར་འཚལ་བ། སེམས་ཅན་གྱི་རྒྱུད་ཡོངས་སུ་སྨིན་པར་བགྱིད་པར་འཚལ་བ། ཞིང་གི་རྒྱུད་རྣམ་པར་སྦྱོང་བར་འཚལ་བ། ལས་ཀྱི་རྒྱུད
135b5 དང་མི་འགལ་བར་འཚལ་བ། ཆོས་ཀྱི་རྒྱུད་རབ་ཏུ་རྣམ་པར་འབྱེད་པར་འཚལ་བ། དུས་གསུམ་གྱི་རྒྱུད་ཡོངས་སུ་རྟོགས་པར་འཚལ་བ། ཕྱོགས་ཀྱི་རྒྱུད་ལ་རབ་ཏུ་འཇུག་པར་འཚལ་བ།
135b6 འདོད་ཆགས་མ་མཆིས་པའི་རྒྱུད་ལ་རབ་ཏུ་འགོད་པར་འཚལ་བ། མོས་པའི་རྒྱུད་རྣམ་པར་སྦྱོང་བར་འཚལ་བ། དབང་པོའི་རྒྱུད་ལ་ལྟ་བར་འཚལ་བ། ཆོས་ཀྱི་དབྱིངས་ཀྱི་འཁོར་ལོ
135b7 ལ་རྣམ་པར་འཕྲུལ་པར་འཚལ་བ། འགྲོ་བའི་འཁོར་ལོ་ཐམས་ཅད་བསྡུ་བར་འཚལ་བའི་བྱང་ཆུབ་སེམས་དཔའ་རྣམས་ཀྱིས་ཇི་ལྟར་སངས་རྒྱས་བཅོམ་ལྡན་འདས་དག་གིས་སངས
iiif viewer powered by OpenSeadragon
