| e-texts navigator |
| Wylie |
98b1 བར་བྱེད་པའི་དཀའ་བ་བྱེད་པ་སྟེ། བཞི་པོ་དེ་དག་གོ། ལྷའི་བུ། བཞི་པོ་འདི་དག་ནི། བྱང་ཆུབ་སེམས་དཔའ་རྣམས་ཀྱི་ནད་མེད་པའོ། །བཞི་གང་ཞེ་ན། ཁམས་མ་ཉམས
98b2 པས་ནད་མེད་པ་དང་། ཉོན་མོངས་པའི་གདུང་བ་མེད་པས་ནད་མེད་པ་དང་། སེམས་ཅན་ཐམས་ཅད་བདེ་བར་མཉམ་པར་བཞག་པས་ནད་མེད་པ་དང་། ཆོས་ཐམས་ཅད
98b3 ལ་ཐེ་ཚོམ་མེད་པས་ནད་མེད་པ་སྟེ། བཞིན་པོ་དེ་དག་གོ། ལྷའི་བུ། བཞི་པོ་འདི་དག་ནི། བྱང་ཆུབ་སེམས་དཔའ་རྣམས་ཀྱི་བདག་གི་ཕྱོགས་སོ། །བཞི་གང་ཞེ་ན། ཕ་རོལ
98b4 ཏུ་ཕྱིན་པའི་ཕྱོགས་དང་། བྱང་ཆུབ་ཀྱི་ཕྱོགས་ཀྱི་ཆོས་ཀྱི་ཕྱོགས་དང་། དགེ་བའི་བཤེས་གཉེན་ཡང་དག་པའི་ཕྱོགས་དང་། སྡིག་པ་ཐམས་ཅད་མི་བྱ་བའི་ཕྱོགས་ཏེ།
98b5 བཞི་པོ་དེ་དག་གོ། ལྷའི་བུ། བཞི་པོ་འདེ་དག་ནི། བྱང་ཆུབ་སེམས་དཔའ་རྣམས་ཀྱི་མི་བསྐྱོད་པའོ། །བཞི་གང་ཞེ་ན། བྱང་ཆུབ་ཀྱི་སེམས་མི་བསྐྱོད་པས་དང་། ཡི་དམ་མི
98b6 བསྐྱོད་པ་དང་། ཇི་སྐད་སྨྲས་པ་དེ་བཞིན་དུ་བྱེད་པ་ལས་མི་བསྐྱོད་པ་དང་། ཡང་དག་པའི་ནན་ཏན་ལས་མི་བསྐྱོད་པ་སྟེ། བཞི་པོ་དེ་དག་གོ། ལྷའི་བུ། བཞི་པོ་འདི་དག
98b7 ནི|་བྱང་ཆུབ་སེམས་དཔའ་རྣམས་ཀྱི་ཚོགས་སོ། །བཞི་གང་ཞེ་ན། ཞི་གནས་ཀྱི་ཚོགས་དང་། ལྷག་མཐོང་གི་ཚོགས་དང་། ཐོས་པའི་ཚོགས་དང་། དགེ་བའི་རྩ་བ
iiif viewer powered by OpenSeadragon
