| e-texts navigator |
| Wylie |
95b1 བའི་ཆོས་སོ། །བཞི་གང་ཞེ་ན། ཤེས་རབ་ཀྱི་ཕ་རོལ་ཏུ་ཕྱིན་པ་དང་། ཐབས་ལ་མཁས་པ་དང་། དམ་པའི་ཆོས་ཡོངས་སུ་འཛིན་པ་དང་། སེམས་ཅན་ཡོངས་སུ་སྨིན་པར་བྱེད
95b2 བ་སྟེ|་བཞི་པོ་དེ་དག་གོ་། ལྷའི་བུ། བཞི་པོ་འདི་དག་ནི། བྱང་ཆུབ་སེམས་དཔའ་རྣམས་ཀྱི་བྱང་ཆུབ་ཀྱི་ལམ་སྟོན་པར་བྱེད་པའོ། །བཞི་གང་ཞེ་ན། ཕ་རོལ་ཏུ་ཕྱིན་པ་རྣམས་ལ་བརྩོན
95b3 པ་དང་། བསྡུ་བའི་དངོས་པོ་རྣམས་ཀྱི་རྗེས་སུ་མཐུན་པ་དང་། ཚངས་པའི་གནས་སྒྲུབ་པ་དང་། མངོན་པར་ཤེས་པས་རྣམ་པར་རྩེ་བ་སྟེ། བཞི་པོ་དེ་དག་གོ་།ལྷའི་བུ། བཞི་པོ
95b4 འདི་དག་ནི། བྱང་ཆུབ་སེམས་དཔའ་རྣམས་ཀྱི་ཆོས་ཀྱི་གྱ་ནོམ་པ་དམ་པ་མཆོག་ཡིན་ནོ། །བཞི་གང་ཞེ་ན། སེམས་ཅན་ཐམས་ཅད་ལ་ཁོང་ཁྲོ་བ་མེད་པ་དང་། གང་དག་དེ་དང
95b5 འགལ་བར་བྱེད་པ་དེ་དག་ཉིད་ལ་རབ་ཏུ་ཐར་པར་བྱ་བར་སེམས་བསྐྱེད་པ་དང་། ཅི་ཙམ་གྱི་ཡུལ་རྒྱ་ཆེན་པོ་ཞིག་འབྱོར་ཀྱང་དེ་ལ་བག་ཡོད་པ་དང་། ཅི་ཙམ་དུ་དབུལ་བས
95b6 ཕོངས་པར་གྱུར་ཀྱང་ཆོས་སྤྱོད་པ་སྟེ། བཞི་པོ་དེ་དག་གོ་།ལྷའི་བུ། བཞི་པོ་འདི་དག་ནི། བྱང་ཆུབ་སེམས་དཔའ་རྣམས་ཀྱི་མོས་པའོ། །བཞི་གང་ཞེ་ན། ཁྱིམ་པར་གྱུར་ན
95b7 བདག་གི་ལོངས་སྤྱོད་ཀྱིས་ཆོ་ག་ཤེས་པ་དང་། གཞན་གྱི་ནོར་ལ་མངོན་པར་འདོད་པ་མེད་པ་དང་། རབ་ཏུ་བྱུང་ནས་འཕགས་པའི་རིགས་ཀྱིས་ཆོ་ག་ཤེས་པ་དང་། སྦྱངས་པའི་ཡོན
iiif viewer powered by OpenSeadragon
