| e-texts navigator |
| Wylie |
94b1 བའི་སེམས་བསྐྱེད་པར་རིག་པར་བྱའོ། །བཞི་གང་ཞེ་ན། ལྷའི་བུ། འདི་ལ་བྱང་ཆུབ་སེམས་དཔའ་སེམས་ཅན་དཔག་ཏུ་མེད་པ་བསྡུ་བའི་ཕྱིར་སེམས་བསྐྱེད་པ་དང་། སེམས
94b2 ཅན་དཔག་ཏུ་མེད་པ་ཡོངས་སུ་སྨིན་པར་བྱ་བའི་ཕྱིར་སེམས་བསྐྱེད་པ་དང་། དགེ་བའི་རྩ་བ་དཔག་ཏུ་མེད་པ་བསག་པའི་ཕྱིར་སེམས་བསྐྱེད་པ་དང་། སངས་རྒྱས་ཀྱི་ཆོས་དཔག
94b3 ཏུ་མེད་པ་མངོན་པར་རྫོགས་པར་རྟོགས་པར་བྱ་བའི་ཕྱིར་སེམས་བསྐྱེད་པ་སྟེ། ལྷའི་བུ། བཞི་པོ་དེ་དག་ནི། བྱང་ཆུབ་སེམས་དཔའི་ལྷག་པའི་བསམ་པའི་སེམས་བསྐྱེད
94b4 པར་རིག་པར་བྱའོ། །ལྷའི་བུ། བཞི་པོ་འདི་དག་ནི། བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པ་བྲག་ལྟ་བུ་ཡིན་ནོ། །བཞི་གང་ཞེ་ན། སློང་བ་རྣམས་ལ་ཁོང
94b5 ཁྲོ་བ་མེད་པའི་སེམས་དང་། ལོག་པར་ཞུགས་པ་རྣམས་ལ་སྙིང་རྗེ་བའི་སེམས་དང་། ཤེས་རབ་ལས་མཉམས་པའི་སེམས་དང་། རྩོམ་པ་ཉམས་འོག་ཏུ་ཆུད་པར་བྱེད་པའི
94b6 སེམས་ཏེ། ལྷའི་བུ། བཞི་པོ་དེ་དག་ནི། བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པ་བྲག་ལྟ་བུ་ཡིན་ནོ། །ལྷའི་བུ། བཞི་པོ་འདི་དག་ནི། བྱང་ཆུབ་སེམས
94b7 དཔའ་རྣམས་ཀྱི་སེམས་བསྐྱེད་པ་མངོན་པར་འཕགས་པ་ཡིན་ནོ། །བཞི་གང་ཞེ་ན། ཚུལ་ཁྲིམས་མངོན་པར་འཕགས་པ་དང་། ཐོས་པ་མངོན་པར་འཕགས་པ་དང་། བྱམས་པ་ཆེན
iiif viewer powered by OpenSeadragon
