| e-texts navigator |
| Wylie |
52b1 གང་ཞིག་གནས་ནས་ལྷ་ཚོགས་བདག་ཅག་ཀྱང་། །འཇིག་རྟེན་མགོན་པ་སངས་རྒྱས་གྱུར་ཅིག་མཆི། །འཇམ་དབྱངས་སངས་རྒྱས་མང་པོ་བསྙེན་བཀུར་བགྱིས། །སངས་རྒྱས་སྲས་པོ་མཐའ
52b2 ཡས་རྣམས་ཀྱིས་བསྐོར། །འཇམ་པའི་དབྱངས་ནི་འཁོར་གྱི་ནང་ན་མཆིས། །ཆོ་འཕྲུལ་རྣམ་པར་ཕྱེ་སྟེ་བསྟན་དུ་གསོལ། །འདི་དག་ཆོས་ནི་གང་གི་ལྟས་ཤིག་ལས། །ཐུབ་པ་ཆོས་ནི་གང་ཞིག
52b3 གསུང་བར་བཞེད། །འཁོར་འདི་ཐམས་ཅད་འབོད་ཅིང་མཆིས་ལགས་ན། །སེམས་ཅན་ཐུགས་བརྩེའི་སླད་དུ་བདག་ལ་གསུངས། །དེ་ནས་སངས་རྒྱས་ཀྱི་བྱིན་གྱི་རླབས་ཀྱིས་འཁོར་དེའི་ནང
52b4 ནས་དྲང་སྲོང་ཆེན་པོ་མེ་སྒྲོན་ཞེས་བྱ་བ་ཞིག་གིས་བྱང་ཆུབ་སེམས་དཔའ་རྒྱལ་བའི་ཕུང་པོ་ལ་འདི་སྐད་ཅེས་སྨྲས་སོ། །ཀྱེ་གཞོན་ནུ་རེ་ཞིག་ཁ་རོག་ཅིག་།ཁོ་བོས་དྲི་བ་དྲི་བར་བྱའོ། །གལ་ཏེ་ཁོ
52b5 བོའི་དྲི་བ་ཁོང་དུ་ཆུད་པར་བྱེད་ན་ནི། དེ་ཐམས་ཅད་མཁྱེན་པ་ཞེས་བྱ་བའི་མིང་དང་ཡང་མཐུན་ནོ། །འོན་ཏེ་སྲེད་མེད་ཀྱི་བུ་དང་། དབང་ཕྱུག་ཆེན་པོས་ཕྱུང་བའི་འགྲོ་ལྡིང་བ་རྣམས་ཀྱིས་སྤྲུལ
52b6 བ་བྱེད་དུ་བཅུག་ན་འདིར་ངོ་མཚར་ཡང་མི་ཆེ་སྟེ། སྐྱེས་བུ་ངན་པ་དང་། སྒྱུ་མ་མཁན་རྣམས་ཀྱིས་འདི་འགྲུབ་བོ། །དེ་ནས་བཅོམ་ལྡན་འདས་ཀྱིས་འཛུམ་པའི་ཞལ་གྱིས་དྲང་སྲོང་གི་ཚོགས་ལ
52b7 ཀུན་ཏུ་གཟིགས་ནས་དྲང་སྲོང་ཆེན་པོ་མེ་སྒྲོན་ལ་འདི་སྐད་ཅེས་བཀའ་སྩལ་ཏོ། །ཚེ་དང་ལྡན་པ་དྲང་སྲོང་ཆེན་པོ། ཅི་ནུས་ཀྱིས་དྲི་བ་དྲིས་ཤིག་དང་རྣམ་པར་སྦྱང་བར་བྱའོ། །དེ་ནས་བཅོམ་ལྡན
iiif viewer powered by OpenSeadragon
