| e-texts navigator |
| Wylie |
52a1 བ་དེ་དག་ན། སངས་རྒྱས་ཐམས་ཅད་ཀྱི་སྐུ་རྣམས་སུ་ནུབ་བོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྒྱལ་པའི་ཕུང་པོ་ཞེས་བྱ་བ་སྟན་ལས
52a2 ལ་ཨངས་ཏེ་བླ་གོས་ཕྲག་པ་གཅིག་ཏུ་གཟར་ནས་བུས་མོ་གཡས་པའི་ལྷ་ང་ས་ལ་བཙུགས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས
52a3 ལ་ཚིགས་སུ་བཅད་པ་འདི་དག་གིས་མངོན་པར་བསྟོད་དོ། །ཀྱེ་མ་མི་རྣམས་ཀྱི་ནི་འདྲེན་པ་ཡིས། །སྔོན་ཆད་མ་བྱུང་མཛད་པ་སྣ་ཚོགས་འདི། །སྐྱེ་རྒུ་ཀུན་ལ་མྱུར་དུ་ཀུན་བསྟན་པ། །དེ་ཡིས
52a4 བདུད་སྡེ་ཐམས་ཅད་མོག་མོག་བགྱིས། །ཕན་ཚུན་དག་ཏུ་ཚིག་ཏུ་སྨྲ་བགྱིད་པ། །ཀྱེ་མའོ་ཤིན་ཏུ་ངོ་མཚར་ཆེ་ཞེས་མཆི། །བདག་ཅག་ཅི་ཞིག་ཕྱིར་ནི་འདིར་ལྷགས་ཀྱེ། །བདག་ཅག
52a5 བཅོམ་མོ་བདག་ཅག་བཅོམ་ཞེས་མཆི། །དཀའ་ཐུབ་ཅན་བདག་དཀའ་ཐུབ་ཅན་མི་འགྱུར། །ཉམ་ཆུང་ལུས་ལ་པགས་པ་ཙམ་ཞིག་ལས། །བདག་འཁོགས་བདག་བསྐམས་བདེ
52a6 བ་རྣམས་ལས་ཉམས། །བདག་ཅག་རྫུ་འཕྲུལ་ཐོབ་པར་གྱུར་མ་ཡིན། །ཡི་གེ་མ་མཆིས་རྫུ་འཕྲུལ་གསུམ་རྣམས་ཀྱིས། །བསྟན་པའི་དགྲ་རྣམས་མོག་མོག་གྱུར་པར་མཛད། །བསྟན
52a7 པའི་འདྲེན་པ་ཁྱོད་ཀྱིས་དེ་རིང་ནི། །སངས་རྒྱས་སྲས་ལ་དུས་སྟོན་ཆེན་པོ་མཛད། །འཁོར་འདི་ཐམས་ཅད་ཐེ་ཚོམ་འཚལ་བར་འགྱུར། །དགའ་བ་སྐྱེས་ཤིང་སེམས་ཀྱང་རབ་དགའ་སྟེ། །
iiif viewer powered by OpenSeadragon
