| e-texts navigator |
| Wylie |
51b1 སྙེད་པ་དེ་དག་ཐམས་ཅད་ཀྱང་བཅོམ་ལྡན་འདས་ག་ལ་བ་དེ་ལོགས་སུ་དོང་སྟེ་ཕྱིན་ནས་བཅོམ་ལྡན་འདས་ཀྱི་འཁོར་གྱི་ནང་དུ་འདུས་པར་གྱུར་ཏོ། །བྱང་ཆུབ་སེམས་དཔའ་དཔག་ཏུ་མེད་པ་དག
51b2 ཀྱང་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་གངྒཱའི་བྱེ་མ་སྙེད་དག་དང་ལྷན་ཅིག་ཏུ་དེ་བཞིན་གཤེགས་པ་ལ་མཆོད་པ་ཆེན་པོ་དཔེ་མེད་པ་ཐོགས་ཏེ་འདིར་ལྷགས་སོ། །དེ་བཞིན
51b3 དུ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་དུ་མ་དེ་དག་ཀྱང་བཅོམ
51b4 ལྡན་འདས་ཀྱི་རྫུ་འཕྲུལ་གྱི་ཆོ་འཕྲུལ་དེ་མཐོང་ནས་བཅོམ་ལྡན་འདས་ག་ལ་བ་དེར་དོང་ངོ་། །དེ་ནས་གང་དག་ཕྱོགས་བཅུ་ནས་ལྷགས་པའི་བྱང་ཆུབ་སེམས་དཔའ་དེ་དག་གིས་མཆོད
51b5 པ་བླ་ན་མེད་པས་བཅོམ་ལྡན་འདས་ལ་བསྙེན་བཀུར་བྱས་ཏེ་ཕ་རོལ་ཏུ་ཕྱིན་པ་དྲུག་གིས་ཡོངས་སུ་བསྒྲུབས་པའི་སྟན་དག་ལ་འཁོད་དོ། །མི་དང་། མི་མ་ཡིན་པའི་བར་དུའང་ཅི་རིགས
51b6 པའི་སྟན་དག་ལ་འཁོད་དོ། །གང་དག་བཅོམ་ལྡན་འདས་ཀྱིས་སྤྲུལ་བ་ཕྱུང་བ་དེ་དག་ཀྱང་མནར་མེད་པ་ཡན་ཆད་འོག་མིན་གྱི་གནས་མན་ཆད་དུ་མངོན་པར་བྱུང་སྟེ་སླར་ཡང་ལོག་གོ་།ཕྱོགས
51b7 བཅུའི་སངས་རྒྱས་རྣམས་ཀྱིས་སྤྲུལ་བ་ཕྱུང་བ་ཇི་སྙེད་པ་དེ་དག་ཐམས་ཅད་ནི། བཅོམ་ལྡན་འདས་ཤཱཀྱ་ཐུབ་པའི་སྤུའི་ཁུང་བུ་ཐམས་ཅད་དུ་ནུབ་བོ། །གང་དག་བཅོམ་ལྡན་འདས་ཀྱི་སྤྲུལ་བ་ཕྱུང
iiif viewer powered by OpenSeadragon
