| e-texts navigator |
| Wylie |
143b1 མ་ཨ་མཁས་པ་སུམ་སྟོང་འདུག་ཅིང་ཉན་པས་སངས་རྒྱས་ཀྱིས་ཁ་ཏོན་བཀླགས་པ་ཐོས་ནས་སེམས་ཐག་པ་ནས་སྤྱི་བོ་ལ་ཁྱེར་ཏེ་དགའ་གཞའ་ནས་རྟག་པར
143b2 གཟུངས་སུ་བཟུང་ངོ་། །དེ་ལྟར་ཤཱཀྱ་ཐུབ་པ་སངས་རྒྱས་ཀྱིས་ཡན་ཆད་པདྨོའི་མེ་ཏོག་གི་སྣོད་ཀྱི་ཁམས་ཀྱི་རྫོགས་ལོངས་སྤྱོད་པའི་སྐུའི་སེམས་ཀྱི་གནས་ཆོས
143b3 ཀྱི་སྒོ་མོ་ལེའུའི་ནང་ན་ཟག་པ་མེད་པའི་ཚུལ་ཁྲིམས་བཅུ་བཤད་ཟིན་ཏོ། །སྟོང་ཕྲག་བརྒྱ་འབུམ་གྱི་ཐུབ་པའང་དེ་བཞིན་ནོ། །དབང་པོ་ཆེན་པོའི་གནམ་གྱི་རྒྱལ
143b4 པོའི་ཕོ་བྲང་ནས་འདིའི་གཙང་མའི་ཤིང་དྲུང་ན་འདུག་པ་བཅུའི་གནས་ན་ཆོས་དང་ཚུལ་ཁྲིམས་ཀྱི་ལེའུ་ཡང་བཤད་དོ། །བྱང་ཆུབ་སེམས་དཔའ་ཐམས་ཅད་ལ
143b5 བསྒོ་བ་བཤད་ཀྱིས་མི་ལང་ངོ་། །མང་པོ་ཕལ་ཏག་པར་གཟུངས་སུ་གཟུངས་ལ་ཁ་ཏོན་དུ་ལྷོགས་ཤིག་།དེའི་གཞུང་བཀྲོལ་བཤད་པ་དེ་ཡིན་ནོ། །སྟོང་ཕྲག་བརྒྱའང
143b6 འབུམ་གྱི་ཁམས་པདྨོའི་མེ་ཏོག་སྣོད་ཀྱི་ཁམས་རྡུལ་ཕྲ་མོ་སྙེད་ཀྱི་ཁམས་ཀྱི་ཐམས་ཅད་ཀྱི་སེམས་ཀྱི་སྣོད། ཚུལ་ཁྲིམས་ཀྱི་སྣོད། གྲངས་མེད་པའི་སྨོན་ལམ
143b7 གྱི་སྣོད|་ཡོན་ཏན་དང་། སངས་རྒྱས་ཀྱི་རང་བཞིན་འདུག་པའི་སྣོད་དེ། སངས་རྒྱས་ཐམས་ཅད་གྲངས་མེད། ཆོས་ཀྱི་སྒོ་མོའང་བཤད་ཟིན་ཏོ། །སྟོང་ཕྲག
iiif viewer powered by OpenSeadragon
