| e-texts navigator |
| Wylie |
127b1 བྱང་ཆུབ་སེམས་དཔའི་སེམས་བསྐྱེད་པ་དང་། བསྐྱེད་ཅིང་གསོལ་བའི་སེམས་བཅུ་དང་། རྡོ་རྗེའི་ཆོས་ཀྱི་སེམས་གཡོ་བར་བསྟན་ཏེ། གཅིག་ནས་གཅིག་ཏུ་གོ
127b2 རིམ་དང་། ཆོས་ཀྱིས་ཆོ་ག་ཤེས་པར་བྱའོ། །བྱང་ཆུབ་སེམས་དཔའ་ལ་བྱང་ཆུབ་སེམས་དཔས་ངན་སེམས་དང་། ཞེ་སྡང་བསྐྱེད་དོ། །གཞན་ཉན་ཐོས་ཀྱི་ཐེག
127b3 པ་ཆུང་དུ་རྣམ་གཉིས་ཀྱི་ཚུལ་ཁྲིམས་དང་། ཡི་གེ་དང་། མུར་འདུག་དང་། ལོག་པར་ལྟ་བའི་བཤད་པ་བསྟན་པ་ན་ལྟུང་བའོ། །སངས་རྒྱས་ཀྱི་བུ་ལེགས་པའི
127b4 སེམས་ཀྱིས་སྔར་ཐེག་པ་ཆེན་པོའི་གོ་ཆ་དང་། ཚུལ་ཁྲིམས་དང་། ཡི་གེ་བསླབས་ནས་རྒྱ་ཆེར་ཕྱེ་ནས་གཞུང་གི་རོ་ཅི་བྲོ་བ་ཤེས་ནས་བྱང་ཆུབ་སེམས་དཔའ
127b5 གསར་དུ་སློབ་པ་རྒྱད་གྲགས་བརྒྱ་སྟོང་གི་ལམ་ནས་ཐེག་པ་ཆེན་པོའི་ཡི་གེ་དང་། ཚུལ་ཁྲིམས་འདོད་ཅིང་འོང་བ་མཐོང་ན་ཆོས་ཀྱི་ཕྱིར་དཀའ་ཐུབ་སྤྱོད་པ་ཆོས་བཞིན
127b6 བཤད་པའི་རིགས་སོ། །དཀའ་ཐུབ་ཅེས་བྱ་བ་ནི། ལུས་བསྲེགས་པ། ལག་ངར་བསྲེགས་པ། སོར་མོ་བསྲེགས་པའོ། །དེ་ལ་ལུས་དང་། ལག་ངར་དང་། སོར
127b7 མོ་བསྲེགས་ཏེ་སངས་རྒྱས་ཐམས་ཅད་ལ་ཡོན་དུ་མ་གསོལ་ན། དེའི་རབ་ཏུ་བྱུང་བའི་བྱང་ཆུབ་སེམས་དཔའ་མ་ཡིན་ནོ། །སྟག་དང་། སྤྱང་ཀི་དང་། སེངྒེ་ལྟོགས་པ
iiif viewer powered by OpenSeadragon
