| e-texts navigator |
| Wylie |
114a1 གཉིས་སུ་མེད་པའི་མཐའ། གང་གཉིས་སུ་མེད་པའི་མཐའ་དེ་ནི། དབུ་མར་སྒྲུབ་པ། གང་དབུ་མར་སྒྲུབ་པ་དེ་ནི། ཡང་དག་པར
114a2 རྫོགས་པའི་སངས་རྒྱས་ཀྱི་ཆོས་ཀྱི་སྐུ་རྟག་པ། བརྟན་པ། མི་འགྱུར་བ་སྟེ། རྟག་པའང་མ་ཡིན། མི་རྟག་པའང་མ་ཡིན་ཏེ། དེ་ནི། གདགས་པའང་མ་ཡིན།
114a3 མི་གདགས་པའང་མ་ཡིན། གང་གདགས་པའང་མ་ཡིན། མི་གདགས་པའང་མ་ཡིན་པ་དེ་ནི། འཇིག་རྟེན་པའང་མ་ཡིན། འཇིག་རྟེན་ལས་འདས་པའང
114a4 མ་ཡིན|་གང་འཇིག་རྟེན་པའང་མ་ཡིན། འཇིག་རྟེན་ལས་འདས་པའང་མ་ཡིན་པ་དེ་ནི། བརྗོད་དུ་མེད་པ། གང་བརྗོད་དུ་མེད་པ་དེ་ནི། ཅུང་ཟད་ཀྱང་མེད་པ་།
114a5 གང་ཅུང་ཟད་ཀྱང་མེད་པ་དེ་ནི། སེམས་ཅན་རྣམས་ཀྱི་བསོད་ནམས་ཀྱི་ཞིང་། གང་སེམས་ཅན་རྣམས་ཀྱི་བསོད་ནམས་ཀྱི་ཞིང་དེ་ནི། སྟོན་པ། གང་སྟོན་པ་དེ་ནི།
114a6 རྣམ་པར་མི་རྟོག་པ། གང་རྣམ་པར་མི་རྟོག་པ་དེ་ནི། དམིགས་པ་མེད་པ། གང་དམིགས་པ་མེད་པ་དེ་ནི། མི་འགྱུར་བ་གྲུབ་པ། གང་མི་འགྱུར་བ་གྲུབ་པ་དེ་ནི། ཡིད
114a7 བཞིན་ནོར་བུ་རིན་པོ་ཆེ་སྟེ། འདུལ་བའི་སེམས་ཅན་རྣམས་ཀྱི་བསམ་པ་ཐམས་ཅད་ཡོངས་སུ་རྫོགས་པར་བྱ་བའི་ཕྱིར་ཇི་ལྟར་མོས་པ་ཐམས་ཅད་བྱེད་དོ། །དེ་ནས་བྱང
iiif viewer powered by OpenSeadragon
