| e-texts navigator |
| Wylie |
109b1 གྱིས་ཞུས་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ། ། །།རྒྱ་གར་སྐད་དུ། དྷརྨ་ས་མུ་དྲ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ།ཐེག་པ་ཆེན་པོའི
109b2 མདོ་ཆོས་རྒྱ་མཚོ་ཞེས་བྱ་བ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱ་མཚོའི་གླིང་ཕྲན་པོ་ཊ་ལ་ཀའི་རི་ལ་རྒྱལ་བའི་སྲས་ཕྱིར་མི་ལྡོག་པ
109b3 ཕལ་པོ་ཆེས་བསྐོར་ཅིང་མདུན་དུ་བྱས་ཏེ་བཞུགས་སོ། །དེ་ནས་བཅོམ་ལྡན་འདས་ཀྱིས་འཇིག་རྟེན་གྱི་དབང་པོ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བཀའ
109b4 སྩལ་པ|་སྐྱེས་བུ་དམ་པ། ཆོས་ཀྱི་གཏམ་ཅི་འདོད་པ་དྲི་བར་གྱིས་ཤིག་།ཅེས་པ་དང་། བརྩེ་བ་ལ་བསྒྲིབས་པ་མེད་པས་རྣམ་པར་གྲོལ་བ་ཐོབ་པ། འཇིག་རྟེན
109b5 གྱི་དབང་པོ་བྱང་ཆུབ་སེམས་དཔས་བཅོམ་ལྡན་འདས་ལ་གསོལ་པ། བཙུན་པ། ཇི་ལྟར་ན། གཞོན་ནུར་གྱུར་པས་བདུད་ལས་རྒྱལ་བ་ལགས། གང་གིས་བྱང
109b6 ཆུབ་ཀྱི་སེམས་བསྐྱེད་མ་ཐག་གིས་འདོད་པ་ལ་རྟོག་ཅིང་མི་སྟེན་པ་དང་། མི་འཆང་བ་དང་། ང་རྒྱལ་མེད་པ་དང་། ཤེས་རབ་དང་། ཐབས་ལ་མཁས་པ་དང་། སྟོང
109b7 པ་ཉིད་ལ་ཤིན་ཏུ་མོས་པ་དང་ལྡན་ཏེ། ཡོད་པ་དང་མེད་པ་སྤངས་པ་དང་། ཡང་དག་པ་མ་ཡིན་པ་ལ་བརླགས་པས་གྲངས་མེད་པར་འཁོར་བར་གྱུར། ཇི་ལྟར་ན
iiif viewer powered by OpenSeadragon
