| e-texts navigator |
| Wylie |
106a1 གྱིས་འདི་སྐད་ཅེས་སྨྲས་སོ། །འཇམ་དཔལ། ཁྱོད་ཕྱོགས་གང་ན་གནས་པ་དང་། ཆོས་ཀྱི་རྣམ་གྲངས་འདི་གང་ན་སྤྱོད་པ་དེར་ནི། སངས
106a2 རྒྱས་འབྱུང་བར་བལྟའོ། །དེར་ནི། ཆོས་ཀྱི་འཁོར་ལོ་བསྐོར་བར་བལྟའོ། །བཅོམ་ལྡན་འདས་ཀྱིས་བཀའ་སྩལ་པ། དེ་དེ་བཞིན་ནོ། །ལྷའི་བུ། དེ་དེ་བཞིན་ཏེ། ཇི
106a3 སྐད་སྨྲས་པ་བཞིན་ནོ། །ཕྱོགས་གང་ན་འཇམ་དཔལ་གཞོན་ནུར་གྱུར་པ་གནས་པ་དེ་ནི། སྟོང་པ་མ་ཡིན་པར་མངོན་ནོ། །གང་ན་ཆོས་ཀྱི་རྣམ་གྲངས་འདི་སྤྱོད་པར
106a4 འགྱུར་བ་དེ་ནི། དེ་བཞིན་གཤེགས་པ་ཆོས་ཀྱི་བདག་པོ་ཉིད་བརྩོན་པར་མཛད་དོ། །གང་ཆོས་ཀྱི་རྣམ་གྲངས་འདི་ལ་ཉན་པར་བྱེད། མོས་པར་བྱེད་པའི་སེམས་ཅན
106a5 དེ་དག་ནི། ངའི་ཡིན་པར་འགྱུར་རོ། །གང་དག་ཆོས་ཀྱི་རྣམ་གྲངས་འདི་ཉན་པ་དང་། མོས་པའི་སེམས་ཅན་དེ་དག་ནི། དེ་བཞིན་གཤེགས་པས་འདུལ་བར་བལྟའོ། །
106a6 གང་དག་ཆོས་ཀྱི་རྣམ་གྲངས་འདི་འཛིན་པ་དང་། དེ་བཞིན་ཉིད་དུ་ནན་ཏན་བྱེད་པ་དེ་དག་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ
106a7 ཡིན་ནོ|་|དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བྱམས་པ་དང་། གནས་བརྟན་འོད་སྲུང་ཆེན་པོ་དང་། ཚེ་དང་ལྡན་པ་ཀུན་དགའ་བོ་ལ་བཀའ་སྩལ
iiif viewer powered by OpenSeadragon
