| e-texts navigator |
| Wylie |
105b1 པའི་བྱང་ཆུབ་ལས་བསྐྱོད་དུ་མེད་པ་ཡིན་ཏེ། དེ་ནི། ཕས་ཀྱི་རྒོལ་བ་ཐམས་ཅད་ཀྱིས་ཐུལ་བར་མི་ནུས་སོ། །དེ་ནི། ཕྱིན་ཆད་ཀྱང་བྱང་ཆུབ་སེམས་དཔའི་དྲེགས་པ་བཅུས
105b2 དྲེགས་པར་མི་འགྱུར་རོ། །བཅུ་གང་ཞེ་ན། ཚུལ་ཁྲིམས་ཀྱིས་དྲེགས་པ་དང་། ཐོས་པས་དྲེགས་པ་དང་། སྤོབས་པས་དྲེགས་པ་དང་། རྙེད་པ་དང་བཀུར་སྟི་དང་ཚིགས
105b3 སུ་བཅད་པས་དྲེགས་པ་དང་། དགོན་པར་གནས་པས་དྲེགས་པ་དང་། སྦྱངས་པའི་ཡོན་ཏན་དང་། ཡོ་བྱད་བསྙུངས་པས་དྲེགས་པ་དང་། གཟུགས་དང་། ལོངས
105b4 སྤྱོད་དང་། དབང་ཕྱུག་དང་། གཡོག་འཁོར་གྱིས་དྲེགས་པ་དང་། བརྒྱ་བྱིན་དང་ཚངས་པ་དང་འཇིག་རྟེན་སྐྱོང་བ་བསྙེན་བཀུར་བྱེད་པས་དྲེགས་པ་དང་། བསམ
105b5 གཏན་དང་། མངོན་པར་ཤེས་པས་དྲེགས་པ་དང་། སངས་རྒྱས་དང་ཆོས་དང་དགེ་འདུན་ལ་དང་བའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན
105b6 དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དག་འདོད་པ་དང་། བསྟོད་པ་དང་། བསྔགས་པར་བྱེད་པ་དེས་ཀྱང་སྙེམས་པ་མེད་པ་ཡིན་ཏེ། ལྷའི
105b7 བུ|་བྱང་ཆུབ་སེམས་དཔའི་དྲེགས་པ་བཅུ་པོ་དེ་དག་གིས་མི་སྙེམས། རབ་ཏུ་མི་སྙེམས་སོ། །དེ་ནས་འཇམ་དཔལ་གཞོན་ནུར་གྱུར་པ་ལ་ལྷའི་བུ་དཔལ་བཟང་ལྡན
iiif viewer powered by OpenSeadragon
