| e-texts navigator |
| Wylie |
105a1 བཅས་པ་ཉམས་འོག་ཏུ་ཆུད་པར་སྐུལ་བ་དང་། འཁོར་བས་ཡོངས་སུ་མི་སྐྱོ་བར་སྐུལ་པ་དང་། བདུད་གདུལ་བར་སྐུལ་བ་དང་། བྱས
105a2 པ་ཤེས་པ་དང་། བྱས་པ་གཟོ་བར་སྐུལ་བ་དང་། རྒྱུ་ཟད་པ་ལ་འཇུག་པར་སྐུལ་བ་དང་། རྣམ་པར་ཐར་པའི་སྒོ་ལ་མི་འཇིགས་པར་སྐུལ་བ་དང་། དེ་བཞིན་གཤེགས
105a3 པ་ལ་མཆོད་པ་དང་། རིམ་གྲོ་བྱ་བར་སྐུལ་བ་དང་། སེམས་ཅན་ཐམས་ཅད་ལ་ཅི་བྱ་སྙམ་པ་ལ་སྤྲོ་བར་སྐུལ་བ་དང་། འཇིག་རྟེན་གྱི་ཆོས་དང་མ་འདྲེས་པར་སྐུལ
105a4 བ་དང་། དགོན་པ་ལ་དགའ་བར་སྐུལ་བ་དང་། འདོད་པ་ཆུང་ཞིང་ཆོ་ག་ཤེས་པར་སྐུལ་བ་དང་། འདས་པ་དང་མ་འོངས་པ་མ་གྲོལ་བ་དགྲོལ་བ་དང་། དབུགས་མ
105a5 ཕྱིན་པ་དབུགས་དབྱུང་བ་དང་། ཡོངས་སུ་མྱ་ངན་ལས་འདས་པ་ཡོངས་སུ་མྱ་ངན་ལས་འདའ་བར་སྐུལ་བ་དང་། དཀོན་མཆོག་གསུམ་གྱི་གདུང་མི་འཆད
105a6 པར་སྐུལ་བ་དང་། སངས་རྒྱས་ཀྱི་ཞིང་གི་ཡོན་ཏན་བཀོད་པ་ཡོངས་སུ་དག་པར་བླང་བར་སྐུལ་བ་སྟེ། ལྷའི་བུ། བྱང་ཆུབ་སེམས་དཔའ་རྣམས་ཀྱི་བྱང་ཆུབ་ཡོངས་སུ
105a7 སྨིན་པར་བྱེད་པའི་ཆོས་ནི། སུམ་ཅུ་རྩ་ལྔ་པོ་དེ་དག་གོ་།ལྷའི་བུ། དེ་ལྟར་བྱང་ཆུབ་སེམས་དཔའ་ཡོངས་སུ་སྨིན་པར་བྱས་པ་ནི། བླ་ན་མེད་པ་ཡང་དག་པར་རྫོགས
iiif viewer powered by OpenSeadragon
