| e-texts navigator |
| Wylie |
100b1 པོ་དེ་དག་གོ་། ལྷའི་བུ། བཞི་པོ་འདི་དག་ནི། བྱང་ཆུབ་སེམས་དཔའ་རྣམས་ཀྱི་བདུད་འདུལ་བའི་རྒྱུ་མཐུན་པའི་རྨི་ལམ་མོ། །བཞི་གང་ཞེ་ན། གྱད་ཆེན་པོས་གྱད་ཐམས་ཅད
100b2 མནན་ནས་བ་དན་ཐོགས་ཏེ་འགྲོ་བར་མཐོང་བ་དང་། དཔའ་བོ་ཆེན་པོས་གཡུལ་ལས་འདས་ཏེ་འགྲོ་བར་མཐོང་བ་དང་། རྒྱལ་པོ་དབང་བསྐུར་བར་མཐོང་བ་དང་། བདག་ཉིད
100b3 བྱང་ཆུབ་ཀྱི་སྙིང་པོ་ལ་འདུག་ཅིང་བདུད་འདུལ་བར་མཐོང་བ་སྟེ། བཞི་པོ་དེ་དག་གོ། ལྷའི་བུ། བཞི་པོ་འདི་དག་ནི། བྱང་ཆུབ་སེམས་དཔའ་རྣམས་ཀྱི་ཕྱིར་མི་ལྡོག་པའི་རྟགས
100b4 ཀྱི་རྒྱུ་མཐུན་པའི་རྨི་ལམ་མོ། །བཞི་གང་ཞེ་ན། མགོ་ལ་ཐོད་དཀར་པོས་བཅིངས་པར་མཐོང་བ་དང་། བདག་གཏན་པ་མེད་པའི་མཆོད་སྦྱིན་བྱེད་པར་མཐོང་བ་དང་། བདག་ཆོས
100b5 ཀྱི་སྟན་ཆེན་པོ་ལ་འདུག་པར་མཐོང་བ་དང་། དེ་བཞིན་གཤེགས་པ་བྱང་ཆུབ་ཀྱི་སྙིང་པོ་ལ་བཞུགས་ཤིང་ཆོས་སྟོན་པར་མཐོང་བ་སྟེ། བཞི་པོ་དེ་དག་གོ་།ལྷའི་བུ། བཞི
100b6 པོ་འདི་དག་ནི། བྱང་ཆུབ་སེམས་དཔའ་རྣམས་ཀྱི་བྱང་ཆུབ་ཀྱི་སྙིང་པོ་ཐོབ་པའི་རྒྱུ་མཐུན་པའི་རྨི་ལམ་མོ། །བཞི་གང་ཞེ་ན། བུམ་པ་མཐོང་བ་དང་། བྱ་ཙ་ཤེས་བསྐོར་བར
100b7 མཐོང་བ་དང་། གང་དང་གང་དུ་འགྲོ་བ་དེ་དང་དེ་ཉིད་དུ་ཤིང་ཐམས་ཅད་དང་ལྡན་ཞིང་འདུད་ལ་ཕྱག་འཚལ་བར་བྱེད་པ་དང་། གསེར་གྱི་ཁ་དོག་ལྟ་བུའི་སྣང་བ་ཆེན་པོ
iiif viewer powered by OpenSeadragon
