| e-texts navigator |
| Wylie |
329a1 ཐམས་ཅད་ཀྱི་རྗེས་སུ་སོང་བ་སྟེ། ཀུན་ནས་ཉོན་མོངས་པའི་རྗེས་སུ་སོང་བ། རྣམ་པར་བྱང་བའི་རྗེས་སུ་སོང་བ། འདུས་བྱས་ཀྱི་རྗེས་སུ
329a2 སོང་བ། འདུས་མ་བྱས་ཀྱི་རྗེས་སུ་སོང་བ། ཟག་པ་དང་བཅས་པའི་རྗེས་སུ་སོང་བ། ཟག་པ་མེད་པའི་རྗེས་སུ་སོང་བ། ཁ་ན་མ་ཐོ་བ་དང་བཅས་པའི་རྗེས་སུ་སོང་བ། ཁ
329a3 ན་མ་ཐོ་བ་མེད་པའི་རྗེས་སུ་སོང་བ། དགེ་བའི་རྩ་བའི་རྗེས་སུ་སོང་བ། མི་དགེ་བའི་རྩ་བའི་རྗེས་སུ་སོང་བ། འཇིག་རྟེན་གྱི་ཆོས་ཀྱི་རྗེས་སུ་སོང་བ། འཇིག་རྟེན་ལས་འདས་པའི
329a4 ཆོས་ཀྱི་རྗེས་སུ་སོང་བ། འཁོར་བའི་རྗེས་སུ་སོང་བ། མྱ་ངན་ལས་འདས་པའི་རྗེས་སུ་སོང་བ། ཆད་པ་དང་། རྟག་པའི་རྗེས་སུ་སོང་བ། ཕུང་པོ་དང་། ཁམས་དང་། སྐྱེ
329a5 མཆེད་ཀྱི་རྗེས་སུ་སོང་བ་སྟེ། སྐྱེས་བུ་དམ་པ་དག་།བྱང་ཆུབ་ནི་ས་དང་། ཆུ་དང་། མེ་དང་། རླུང་དང་། ནམ་མཁའི་རྗེས་སུ་སོང་བའོ། །དེ་ཅིའི་ཕྱིར་ཞེ་ན། ཆོས་ཐམས
329a6 ཅད་ནི་འདི་ལྟ་བུའི་རང་བཞིན་ཏེ། རང་བཞིན་སྟོང་པ་ཉིད་དོ། །དེ་དག་ནི་བརྗོད་པ་གང་དང་། གང་གིས་བརྗོད་པར་བྱ་བའི་རྣམ་པ་དེ་ཐམས་ཅད་སྟོང་པ་ཉིད་སྨོས་པར་བྱེད
329a7 པའོ|་|འདི་ལྟ་སྟེ། དཔེར་ན། ནམ་མཁའི་དབྱིངས་ནི་ཐམས་ཅད་ཀྱི་རྗེས་སུ་སོང་ངོ་། །དེ་བཞིན་དུ་བྱང་ཆུབ་ཀྱང་ཐམས་ཅད་ཀྱི་རྗེས་སུ་སོང་སྟེ། སྐྱེས་བུ་དམ་པ་དག་།
iiif viewer powered by OpenSeadragon
