| e-texts navigator |
| Wylie |
327b1 ལ་སྙིང་རྗེ་བར་གྱུར་པས་འཇམ་པ་རྣམས་ཡིན་ནོ། །སྐྱེས་བུ་དམ་པ་དག་ནི་ལུས་དང་། ངག་དང་། ཡིད་ཀྱི་ལས་ཀྱི་མཐའ་ཡོངས་སུ་དག་པས་འཇོམ་པ་དང་བཅས་པ་ཡིན་ནོ། །སྐྱེས་བུ
327b2 དམ་པ་དག་ནི་དེ་དག་བྱ་བ་ལ་ཡང་དག་པར་ཞུགས་པས་ཇི་སྐད་སྨྲས་པ་བཞིན་དུ་བྱེད་པ་ཡིན་ནོ། །སྐྱེས་བུ་དམ་པ་དག་ནི་རྟག་ཏུ་བརྟུལ་བ་བརྟན་པས་ལྷག་པའི་བསམ་པ་དང་ལྡན
327b3 པ་ཡིན་ནོ། །སྐྱེས་བུ་དམ་པ་དག་ནི་ལོག་པའི་ཆོས་དང་བྲལ་བས་བ་དེན་པ་ལ་གནས་པ་ཡིན་ནོ། །སྐྱེས་བུ་དམ་པ་དག་ནི་ཆོས་ཀྱི་དགའ་བས་དགའ་ཞིང་མགུ་བས་ཆོས་འདོད་པ་ཡིན
327b4 ནོ|་|སྐྱེས་བུ་དམ་པ་དག་ནི་ལུས་དང་། སྲོག་གཏོང་བས་དམ་པའི་ཆོས་ཡོངས་སུ་འཛིན་པ་ཡིན་ནོ། །སྐྱེས་བུ་དམ་པ་དག་ནི་སེམས་ཅན་ཐམས་ཅད་དང་འབྲེལ་བས་མི་གཏོང་བ་ཡིན་ནོ།།
327b5 སྐྱེས་བུ་དམ་པ་དག་ནི་དོན་དམ་པའི་རྗེས་སུ་འཇུག་པས་ཉེས་པ་མཐོང་བ་ཡིན་ནོ། །སྐྱེས་བུ་དམ་པ་དག་ནི་སྡིག་པའི་ཆོས་རྣམས་པར་སྤངས་པས་དགེ་བའི་ཆོས་ལ་ཞུགས་པ་ཡིན་ནོ། །
327b6 སྐྱེས་བུ་དམ་པ་དག་ནི་དབུལ་པོ་རྣམས་ཀྱི་གཏེར་ཡིན་ནོ། །སྐྱེས་བུ་དམ་པ་དག་ནི་ནད་པ་རྣམས་ཀྱི་སྨན་པ་ཡིན་ནོ། །སྐྱེས་བུ་དམ་པ་དག་ནི་འཇིགས་པ་རྣམས་ཀྱི་མགོན་ཡིན་ནོ། །སྐྱེས་བུ
327b7 དམ་པ་དག་ནི་དཔུང་གཉེན་མེད་པ་རྣམས་ཀྱི་སྐྱབས་ཡིན་ནོ། སྐྱེས་བུ་དམ་པ་དག་ནི་འཁོར་བའི་རྒྱ་མཚོར་ཞུགས་པ་རྣམས་ཀྱི་གནས་ཡིན་ནོ། །སྐྱེས་བུ་དམ་པ་དག་ནི་རྟེན་མེད་པ་རྣམས
iiif viewer powered by OpenSeadragon
