| e-texts navigator |
| Wylie |
326b1 པ་རྣམས་ལ་ནི་བསམ་གཏན་ཐོབ་པའི་ལག་པ་སྦྱིན་པར་བྱའོ། །སེམས་ཅན་ཤེས་རབ་འཆལ་པ་རྣམས་ལ་ནི་ཤེས་རབ་ཀྱི་ལག་པ་སྦྱིན་པར་བྱ་སྟེ། སེམས་ཅན་དག་ཆོས་དཀར
326b2 པོ་གང་དང་། གང་དག་ལས་བྲལ་བར་གྱུར་པའི་ཆོས་དེ་དང་། དེ་དག་ཉིད་ཡོངས་སུ་རྫོགས་པར་བྱ་བའི་ཕྱིར་ལག་པ་སྦྱིན་པར་བྱ་སྟེ། བྱང་ཆུབ་སེམས་དཔའ་དེའི་དགེ་བའི་རྩ་བའི་ལག
326b3 པའང་རིན་པོ་ཆེའི་ཕྱག་རྒྱ་གསུམ་གྱིས་གདབ་པར་བྱའོ། །གསུམ་གང་ཞེ་ན། འདི་ལྟ་སྟེ། སེམས་ཅན་ཐམས་ཅད་སངས་རྒྱས་ཀྱི་ཡེ་ཤེས་ཡོངས་སུ་རྫོགས་པར་བསྔོ་བ་རིན
326b4 པོ་ཆེའི་ཕྱག་རྒྱས་གདབ་པར་བྱ་བ་དང་། བདག་གི་དགེ་བའི་རྩ་བ་ཡོངས་སུ་འགྲུབ་པ་རིན་པོ་ཆེའི་ཕྱག་རྒྱས་གདབ་པར་བྱ་བ་དང་། སེམས་ཅན་ཐམས་ཅད་ནམ་མཁའི་རང
326b5 བཞིན་གྱི་ཕྱག་རྒྱས་གདབ་པར་བྱ་བ་སྟེ། རིགས་ཀྱི་བུ། དེ་འདྲ་བའི་གནས་ལ་གནས་པས་ནི་ཐམས་ཅད་མཁྱེན་པའི་ཡེ་ཤེས་ཆེན་པོ་དེ་རྟོགས་པར་ནུས་སོ། །བྱང་ཆུབ་སེམས
326b6 དཔའ་སེང་གེའི་བློ་གྲོས་ཀྱིས་སྨྲས་པ། ཀྱེ་མའོ་གྲོགས་པོ་དག་།འདི་ནི་མི་འཇིགས་པའི་གོ་ཆའོ། །འདི་ནི་མི་སྐྲག་པའི་གོ་ཆའོ། །འདི་ནི་མ་ཞུམ་པའི་གོ་ཆའོ། །འདི་ནི་ལེ་ལོ
326b7 མེད་པའི་གོ་ཆའོ། ཀྱེ་གྲོགས་པོ་དག་།དེ་བས་ན་མི་འཇིགས་པ་དང་། སེམས་མི་སྐྲག་པ་དང་། མ་ཞུམ་པ་དང་། ལེ་ལོ་མེད་པ་དང་། འཇིགས་ཤིང་སྐྲག་པ་སྐྱི་བུང་ཞེས་བྱེད
iiif viewer powered by OpenSeadragon
