| e-texts navigator |
| Wylie |
326a1 པ་ལ་མོས་པས་ནི་ཡེ་ཤེས་ཆེན་པོ་དེ་རྟོགས་པར་མི་ནུས་ཀྱི། གང་གཉིད་ལོག་པའི་རྨི་ལམ་ནའང་ཐེག་པ་གཉིས་ལ་སེམས་མི་འཇུག་ཅིང་རིན
326a2 པོ་ཆེའི་སེམས་ཐམས་ཅད་མཁྱེན་པའི་སེམས་དེ་ཕ་རོལ་དག་ཀྱང་འདོད་པར་བྱེད་དུ་འཇུག་ལ་རིན་པོ་ཆེའི་སེམས་དེ་ལ་སེར་སྣ་མི་བྱེད་ཀྱི། སེམས་ཅན་ཐམས་ཅད་ཀྱང་ཐེག་པ
326a3 ཆེན་པོའི་གོ་ཆ་དེ་སྐོན་པར་བྱེད་ཅིང་སེམས་མཉམ་པ་མེད་པ་དེའང་གང་བའམ། བྲི་བར་ཡང་མི་མཐོང་ཞིང་། དེ་ལྟར་སེར་སྣ་མེད་པའི་སེམས་ཀྱིས་ཡེ་ཤེས་ཆེན་པོ་དེ་རྟོགས་པར
326a4 ནུས་སོ། །བྱང་ཆུབ་སེམས་དཔའ་ལག་ན་རིན་ཆེན་ཕྱག་རྒྱས་སྨྲས་པ། ཀྱེ་མའོ་སེམས་ཅན་འདི་དག་ནི་འགྲོ་བ་དྲུག་ཏུ་ལྟུང་གི་།དེ་དང་། དེ་དག་ཏུ་སྙིང་རྗེ་ཆེན་པོ་བསྐྱེད་དེ། སེམས
326a5 ཅན་ཐམས་ཅད་ལ་ཆོས་ཀྱི་ཕྱག་རྒྱ་རིན་པོ་ཆེའི་ཕྱག་རྒྱ་གསུམ་གྱིས་བཏབ་པ་སྦྱིན་པར་བྱ་སྟེ། སེམས་ཅན་ཐོས་པ་ཉུང་བ་རྣམས་ལ་ནི་ཐོས་པའི་ལག་པ་སྦྱིན་པར་བྱའོ། །
326a6 སེམས་ཅན་སེར་སྣ་ཅན་རྣམས་ལ་ནི་གཏོང་བའི་ལག་པ་སྦྱིན་པར་བྱའོ། །སེམས་ཅན་ངང་ཚུལ་ངན་པ་ཅན་རྣམས་ལ་ནི་ཚུལ་ཁྲིམས་ཀྱི་ལག་པ་སྦྱིན་པར་བྱའོ། །སེམས་ཅན
326a7 གནོད་སེམས་ཅན་རྣམས་ལ་ནི་བཟོད་པའི་ལག་པ་སྦྱིན་པར་བྱའོ། །སེམས་ཅན་ལེ་ལོ་ཅན་རྣམས་ལ་ནི་བརྩོན་འགྲུས་ཀྱི་ལག་པ་སྦྱིན་པར་བྱའོ། །སེམས་ཅན་དྲན་པ་ཉམས
iiif viewer powered by OpenSeadragon
