| e-texts navigator |
| Wylie |
325b1 སེམས་ཅན་ཐམས་ཅད་ཀྱི་གང་ཅིའང་རུང་། ཡོངས་སུ་ཐོབ་པར་བྱ་བ་དེ་ཐམས་ཅད་བདག་གིས་ཡོངས་སུ་ཐོབ་པར་བྱའོ་ཞེས་དགེ་བའི་རྩ་བ་བསྐྱེད་པ་དང་། སེམས་ཅན་ཐམས་ཅད
325b2 ཡོངས་སུ་སྨིན་པར་བྱ་བའི་ཕྱིར་དེ་སེམས་ཅན་ཐམས་ཅད་དང་ཐུན་མོང་དུ་སེམས་བསྐྱེད་དེ། ཡུད་ཙམ་དུའང་བརྩོན་འགྲུས་མི་གཏོང་ཞིང་དེ་ལྟར་བརྩོན་འགྲུས་ལ་གནས་པའི་བྱང
325b3 ཆུབ་སེམས་དཔས་ཡེ་ཤེས་ཆེན་པོ་དེ་རྟོགས་པར་ནུས་སོ། །བྱང་ཆུབ་སེམས་དཔའ་ས་འཛིན་གྱིས་སྨྲས་པ། ཀྱེ་གྲོགས་པོ་དག་།འདི་ལྟ་སྟེ། དཔེར་ན། ས་ནི་རྩཝ་དང་། ཤིང་གེལ
325b4 པ་དང་། སྨན་དང་། ནགས་ཚལ་ཐམས་ཅད་ཀྱི་གནས་ཡིན་ཏེ། དེ་ལ་གནས་ཤིང་རྩཝ་དང་། ཤིང་གེལ་པ་དང་། སྨན་དང་། ནགས་ཚལ་གྱི་ས་བོན་ཐམས་ཅད་སྐྱེ་བར་འགྱུར
325b5 མོད་ཀྱི། ས་ཆེན་པོ་དེ་ནི་ལན་རེ་བའང་མེད་དོ། །སེམས་ཅན་ཐམས་ཅད་ཀྱང་ས་ཆེན་པོ་ལས་འཚོ་མོད་ཀྱི། ས་ཆེན་པོ་ནི་སྐྱོ་བར་ཡང་མི་བྱེད་དོ། །རིགས་ཀྱི་བུ། དེ་བཞིན་དུ་བྱང
325b6 ཆུབ་སེམས་དཔའ་ཆགས་པ་དང་། ཞེ་སྡང་བའི་སེམས་དང་བྲལ་བ་དང་། སེམས་ཅན་ཐམས་ཅད་ཀྱི་ཉེ་བར་འཚོ་བ་དང་། ལན་རེ་བ་མེད་པའི་ཕྱིར་ས་དང་འདྲ་བར་སེམས་བསྐྱེད
325b7 ན་ཡེ་ཤེས་ཆེན་པོ་དེ་རྟོགས་པར་ནུས་སོ། །བྱང་ཆུབ་སེམས་དཔའ་ལག་ན་རིན་ཆེན་གྱིས་སྨྲས་པ། ཀྱེ་གྲོགས་པོ་དག་།ཤེས་པར་གྱིས་ཤིག་།འདི་ནི་གོ་ཆ་ཆེན་པོ་ཡིན་ཏེ། དམན
iiif viewer powered by OpenSeadragon
