| e-texts navigator |
| Wylie |
325a1 བ་དེས་ཕ་རོལ་མ་དུལ། མ་བསྲུངས། མ་བྱང་བ་དུལ་བར་བྱ་བ་དང་། ཞི་བར་བྱ་བའི་གནས་དེ་ནི་ཡོད་དོ་ཞེས་བཅོམ་ལྡན་འདས་ཀྱིས་ཀྱང་དེ
325a2 སྐད་གསུངས་ཏེ། དེ་བས་ན་དུལ་བ་དང་། ཞི་གནས་ཀྱི་རྣལ་འབྱོར་ལ་ཞུགས་ཤིང་ཕ་རོལ་དུལ་བ་དང་། ཞི་གནས་དང་མཐུན་པར་བྱ་བ་ལ་མཁས་པས་ཡེ་ཤེས་ཆེན་པོ
325a3 དེ་རྟོགས་པར་ནུས་སོ། །བྱང་ཆུབ་སེམས་དཔའ་པདྨ་དཔལ་འབྱུང་གིས་སྨྲས་པ། ཀྱེ་གྲོགས་པོ་དག་།འཇིག་རྟེན་གྱི་ཆོས་དང་འབྲེལ་བས་འཇིག་རྟེན་ལས་འདའ་བར་མི
325a4 ནུས་ཀྱི། གང་འཇིག་རྟེན་གྱི་ཆོས་དང་མ་འབྲེལ་བ་དེ་ནི་འཇིག་རྟེན་ལས་འདའ་བར་འགྱུར་རོ། །དེ་བས་ན་བྱང་ཆུབ་སེམས་དཔའ་གང་རྙེད་པ་དང་། མི་རྙེད་པ་དང་། །
325a5 གྲགས་པ་དང་། མ་གྲགས་པ་དང་། བསྟོད་པ་དང་། སྨད་པ་དང་། བདེ་བ་དང་། སྡུག་བསྔལ་བས་མི་འཕྲོགས་ཤིང་བྱང་ཆུབ་སེམས་དཔའ་སེམས་དཔའ་ཆེན་པོ་མ
325a6 ཁེངས་པ། མ་དུད་པ་དེས་ནི་ཡེ་ཤེས་ཆེན་པོ་དེ་རྟོགས་པར་སླའོ། །བྱང་ཆུབ་སེམས་དཔའ་སྐྱེ་བོ་འཛིན་གྱིས་སྨྲས་པ། ཀྱེ་གྲོགས་པོ་དག་།གཞན་ལ་ཀླན་ཀ་ཚོལ་བས་ནི
325a7 ཐམས་ཅད་མཁྱེན་པའི་ཡེ་ཤེས་ཆེན་པོ་དེ་རྟོགས་པར་མི་ནུས་ཀྱི། གཅིག་པུ་གཉིས་སུ་མེད་ལ་བདག་གིས་སེམས་ཅན་ཐམས་ཅད་ཀྱི་ཕྱིར་གོ་ཆ་ཆེན་པོ་བགོས་པས
iiif viewer powered by OpenSeadragon
