| e-texts navigator |
| Wylie |
316a1 བཀའ་སྩལ་པ། དེ་རིང་རྒྱལ་པོ་གཟུགས་ཅན་སྙིང་པོ་གདུལ་བར་བྱ་བའི་དུས་ལ་བབ་ཀྱི་ཡུལ་མ་ག་དྷར་འགྲོ་བར་བྱའོ་ཞེས་གསུངས་ནས། འཁོར་དང་བཅས་པ་དང
316a2 པའི་རྒྱལ་པོ་ལྟར་ནམ་མཁའ་ལ་ལྡིངས་ཏེ་གཤེགས་པ་བློན་པོ་ཟླ་བ་བཟང་པོས་མཐོང་ནས་རྒྱལ་པོ་ལ་སྨྲས་པ། ལྷ་ལགས། སངས་རྒྱས་འཁོར་དང་བཅས་པ་འོ་སྐོལ་གྱི་ཡུལ་དུ་བྱོན
316a3 བས་གྲོང་ཁྱེར་བརྒྱན་པ་དང་། བསྙེན་བཀུར་བྱ་བར་རིགས་སོ། །རྒྱལ་པོས་སྨྲས་པ། ཛམྦུའི་གླིང་ན་ང་ལས་ཆེ་བ་མེད་པར་སུ་ལ་བསྙེན་བཀུར་བྱེད་ཅེས་སླར་ཉིད་དུ་དྲེགས་པར
316a4 གྱུར་ཏོ། །དེ་ནས་རྒྱལ་པོ་གཟུགས་ཅན་སྙིང་པོའི་ཕོ་བྲང་གི་སྒོར་གདན་བཤམས་པ་ལ་བཅོམ་ལྡན་འདས་འཁོར་དང་བཅས་པ་བཞུགས་སོ། །དེ་ལྟར་བཞུགས་པར་ཤེས་ནས
316a5 རྒྱལ་པོས་གྱད་ཆེན་པོའི་འདེགས་པ་ཞེས་བྱ་བ་རྦད་དེ་རྡོ་ཤིན་ཏུ་ཆེ་བ་བཅོམ་ལྡན་འདས་ལ་འཕངས་སོ། །རྡོ་དེ་ནམ་མཁའ་ལ་ལྡིང་ཞིང་དེ་ལས་སྒྲ་འདི་སྐད་ཅེས་གྲག་གོ་།ཀྱེ
316a6 མ་འདུས་བྱས་རྟག་པ་མེད། །སྐྱེ་ཞིང་འགོག་པའི་ཆོས་ཅན་ཡིན། །སྐྱེ་བ་ཡོད་ན་འཆི་བ་ཡོད། །འདུ་བ་ཡོད་ན་འབྲལ་བ་ཡོད། །བསགས་པ་ཡོད་ན་འཛད་པ་ཡོད། །ལང་ཚོའི
316a7 མདོག་ཀྱང་ནད་ཀྱིས་འཕྲོག་། འཚོ་བའི་ཚེ་ཡང་འཆི་བས་འཕྲོག་།ཆགས་པར་གྱུར་ན་སྡུག་བསྔལ་འཕེལ། །སྐྱོ་བར་བྱས་ན་ཐར་པར་འགྱུར། །ཞེས་པ་དེ་རྒྱལ་པོ་གཟུགས
iiif viewer powered by OpenSeadragon
