| e-texts navigator |
| Wylie |
414b1 དེ་ལ་སུ་ཡང་ཡིད་མི་བདེ་མི་སྐྱེད། །དེ་ལ་སུ་ཡང་ཚིག་རྩུབ་སྨྲ་བ་མེད། །ཕྲ་མ་ཐམས་ཅད་སྤངས་ཤིང་ཡང་དག་སྨྲ། །བསོད་ནམས་འདོད་པ་སུ་ཞིག་ཕྱགས་ཐོགས་ཏེ། །བཅོམ་ལྡན་མཆོད
414b2 རྟེན་གུས་པར་འཕྱག་བྱེད་པ། །དེ་ནི་སྨད་ཅིང་མི་གཙང་ལུས་མི་འགྱུར། །བ་སྤུ་ཁུང་ནས་ཙནྡན་དྲི་ངད་འབྱུང་། །བཅོམ་ལྡན་མྱ་ངན་འདས་པའི་མཆོད་རྟེན་ཕྱགས། །བསྐལ་པ་བྱེ་བ་ཁྲག
414b3 ཁྲིག་བརྒྱ་སྟོང་དུ། །ཡན་ལག་མ་སྨད་ཁྱད་འཕགས་ལུས་འཐོབ་ཅིང་། །མཛེས་ལ་མཚན་གྱིས་གོ་ཆར་བྱས་པར་འགྱུར། །བཅོམ་ལྡན་མྱ་ངན་འདས་པའི་མཆོད་རྟེན་ཕྱགས། །ལྷ་ཡི་ཙནྡན
414b4 ཁྱད་འཕགས་རབ་མཛེས་པའི། །གཞལ་མེད་ཁང་མཆོག་ཡིད་འོང་དྲི་ལྡན་འཐོབ། །དེ་ནི་དེ་ལ་གཞར་ཡང་སྲེད་མི་སྐྱེད། །བཅོམ་ལྡན་མྱ་ངན་འདས་པའི་མཆོད་རྟེན་ཕྱགས། །ཡིད་འོང
414b5 དྲི་ལྡན་མཆོག་ཏུ་བལྟ་སྡུག་པའི། །ལྷ་ཡི་བུ་མོ་བྱེ་བ་སྟོང་འཐོབ་ཅིང་། །དེ་ནི་དེ་ལ་ནམ་ཡང་ཆགས་མི་སྐྱེད། །བཅོམ་ལྡན་མྱ་ངན་འདས་པའི་མཆོད་རྟེན་ཕྱགས། །སྐྱེད་མོས་ཚལ
414b6 མཆོག་ཡོད་པའི་རྫིང་བུ་ནི། །ཡན་ལག་བརྒྱད་ལྡན་ཆུ་གཙང་མཛེས་གྱུར་པ། །མེ་ཏོག་ཨུཏྤལ་ལས་ནི་རྒྱས་པ་འཐོབ། །བཅོམ་ལྡན་མྱ་ངན་འདས་པའི་མཆོད་རྟེན་ཕྱགས། །དེ་ཡི
414b7 གཡོག་འཁོར་རྟག་ཏུ་མཐུན་འགྱུར་ཞིང་། །མི་དམན་སེམས་ཅན་ལྷ་ཡི་སྒྲ་ཡང་ཐོས། །ལྷ་མོ་རྣམས་ཀྱི་གླུ་དབྱངས་སྙན་སྒྲ་ཐོས། །བཅོམ་ལྡན་མྱ་ངན་འདས་པའི་མཆོད་རྟེན་ཕྱགས།།
iiif viewer powered by OpenSeadragon
