| e-texts navigator |
| Wylie |
414a1 རྣམ་པར་དག་ཅིང་སེམས་ཀྱང་དགའ། །སྣ་ཡི་དབང་པོ་མཆོག་དང་ལྡན་པར་འགྱུར། །དེ་ཡི་ལྕེ་ནི་རབ་མཛེས་བལྟ་ན་སྡུག་།ཐོག་མར་རབ་མཉེན་མཛེས
414a2 ཤིང་སྒྲ་ཡིད་འོང་། །དཔེར་ན་ལྷ་ཡི་རིན་ཆེན་བྱུ་རུ་འདྲ། །སྒྲ་སྐད་ཡན་ལག་བྱེ་བ་དཔག་མེད་འབྱིན། །བཅོམ་ལྡན་མཆོད་རྟེན་རོལ་མོའི་སྒྲ་བྱས་ན། །ནམ་ཡང་སྦྲུལ་དུ་མི་འགྱུར་ལྕེ
414a3 མེད་མིན། །ཞར་བ་སྒུར་པོ་ཡ་ཡོ་ཅན་མི་འགྱུར། །ལུས་ནི་ཁྱད་པར་འཕགས་ཤིང་ཤིན་ཏུ་མཛེས། །བཅོམ་ལྡན་མཆོད་རྟེན་རོལ་མོའི་སྒྲ་བྱས་ན། །ལྷའམ་ཀླུ་འམ་མི་འམ་ལྟོ་འཕྱེ
414a4 ཆེ|་|སུ་ཡང་དེ་ལ་མ་དད་སྐྱེད་མི་འགྱུར། །དབུགས་ཕྱིན་ཐོབ་ནས་འཇིག་རྟེན་ཀུན་ཏུ་རྒྱུ། །བཅོམ་ལྡན་མཆོད་རྟེན་རོལ་མོའི་སྒྲ་བྱས་ན། །དེ་ནི་མ་ནིང་ཟ་མར་གཞར་མི་འགྱུར། །ནམ
414a5 ཡང་མཛེ་དང་ཤ་བཀྲ་མི་འབྱུང་ཞིང་། །བསྔགས་པར་འོས་པའི་ལུས་ནི་ཐོབ་པར་འགྱུར། །བཅོམ་ལྡན་མཆོད་རྟེན་རོལ་མོའི་སྒྲ་བྱས་ན། །ལྕེ་རིང་འགྱུར་ཞིང་ལུས་ཀྱང་ཆེ་བར
414a6 འགྱུར། །གསེར་གྱི་གཟུགས་ལྟར་ཁ་དོག་འབར་བ་འོང་། །ཏིང་འཛིན་བརྟན་ཞིང་ཤིན་ཏུ་རྟོགས་པར་འགྱུར། །བཅོམ་ལྡན་མཆོད་རྟེན་རོལ་མོའི་སྒྲ་བྱས་ན། །ལྷ་ནང་བདག་པོར
414a7 འགྱུར་ཞིང་དབང་ཕྱུག་འགྱུར། །མི་ཡི་འཇིག་རྟེན་སྐྱེས་ན་དགའ་བར་འོང་། །བརྩོན་འགྲུས་ལྡན་ཞིང་བག་ཡོད་འབར་བར་འགྱུར། །བཅོམ་ལྡན་མཆོད་རྟེན་རོལ་མོའི་སྒྲ་བྱས་ན།།
iiif viewer powered by OpenSeadragon
