| e-texts navigator |
| Wylie |
412a1 བཞིན་ལྡན་ནས་ཡིད་བདེ་སྐྱེད་པར་བྱེད། །འཛིན་པ་མེད་ཅིང་ཆགས་མེད་སེམས་དང་ལྡན། །ཆགས་མེད་གྱུར་ནས་དེ་ལ་མི་མཐུན་མེད། །དེ
412a2 ཡི་ལུས་གཙང་ཀུན་ནས་ཉོན་མོངས་མེད། །རྣམ་དག་སེམས་ལྡན་དེ་ནི་བདེན་པར་སྨྲ། །འཇིགས་པས་ཉེན་པ་རྣམས་ལ་ཡིད་བདེ་སྐྱེད། །སེམས་ཅན་རྣམས་ཀྱི་སྐྱབས
412a3 དང་དཔུང་གཉེན་འགྱུར། །དེ་ནི་བདག་དོན་རྒྱ་ཆེན་བྱས་ནས་སུ། །གཞན་ཡང་སངས་རྒྱས་ཡེ་ཤེས་རྫོགས་ལ་འགོད། །ཤིང་དབང་ཤིང་མཆོག་དམ་པའི་དྲུང་སོང་ནས།།
412a4 མཚུངས་མེད་མཆོག་ཞི་བྱང་ཆུབ་འཚང་ཡང་རྒྱ། །སངས་རྒྱས་མཆོད་རྟེན་མར་མེ་གཅིག་ཕུལ་ན། །འདི་ནས་བཟུང་སྟེ་སྲིད་པའི་རྩེ་མོའི་བར། །སངས་རྒྱས་ཞིང་ན་འཛམ་ཀླུང
412a5 གསེར་གྱིས་གང་། །དེ་འདྲའི་དཔལ་དེ་ཟད་པར་བྱ་མི་ནུས། །བཅོམ་ལྡན་མཆོད་རྟེན་མར་མེ་ཕུལ་བྱས་ན། །དེ་ཡི་ལུས་ནི་མདོག་ངན་ཡོངས་མི་འགྱུར། །གཟུགས་མཆོག་སྲ
412a6 ཞིང་ལག་པ་གཟུ་བ་འདྲ། །སྣང་བ་ཐོབ་ནས་འཇིག་རྟེན་ཀུན་ཏུ་རྒྱུ། །གལ་ཏེ་རྒྱལ་བ་དམ་པ་བྱུང་གྱུར་ན། །དེ་བཞིན་གཤེགས་པ་རྣམས་དང་ཉེ་བར་འགྱུར། །ཉེ་དུར་འགྱུར་རམ།
412a7 ཡང་ན་བུར་ཡང་འགྱུར། །དེ་ནི་ཡེ་ཤེས་ཕུང་པོ་མྱུར་དུ་འཐོབ། །གལ་ཏེ་ཁྲག་ཁྲིག་བརྒྱ་སྟོང་སངས་རྒྱས་ཞིང་། །ཡུངས་འབྲུ་དག་གིས་བྱུར་བུར་གང་འགྱུར་བ། །བགྲང་བ་དང་ནི
iiif viewer powered by OpenSeadragon
