| e-texts navigator |
| Wylie |
390a1 ལྟུང་བའི་སྡུག་བསྔལ་མེད་པ། ཡིད་དུ་འོང་བ། ཡིད་དང་འཐད་པ། མཆོག་ཏུ་རྣམ་པར་དག་པའི་བྱང་ཆུབ་སེམས་དཔའ་རྣམས་ཀྱི་གནས་ཡིན་ཏེ། ཁྱོད
390a2 ཀྱི་སངས་རྒྱས་ཀྱི་ཞིང་དེ་ནི་དེ་ལྟ་བུར་འགྱུར་རོ། །ཆོས་ཀྱི་རྣམ་གྲངས་འདི་བཤད་པ་ན་དགེ་བསྙེན་མ་སྟོང་ཕྲག་མང་པོ་ཞིག་གིས་ནི་བླ་ན་མེད་པ་ཡང་དག་པར་རྫོགས་པའི
390a3 བྱང་ཆུབ་ཏུ་སེམས་བསྐྱེད་དོ། །སྲོག་ཆགས་སྟོང་ཕྲག་མང་པོ་དང་། ལྷ་དང་། མིའི་སྐྱེ་དགུ་རྣམས་ཀྱིས་ནི་ཆོས་ཀྱི་སྣང་བ་ཐོབ་པར་གྱུར་ཏོ། །བཅོམ་ལྡན་འདས་ཀྱིས་དེ་སྐད
390a4 ཅེས་བཀའ་སྩལ་ནས། རྒྱལ་པོའི་བཙུན་མོ་བདེ་ལྡན་མ་དང་། འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ།
390a5 བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་བདེ་ལྡན་མ་ལུང་བསྟན་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།
390a6 རྒྱ་གར་སྐད་དུ། ཨཱཪྱ་ཤྲཱི་ཡ་མཧཱ་དེ་བཱི་བྱཱ་ཀ་ར་ཎ། བོད་སྐད་དུ། འཕགས་པ་ལྷ་མོ་ཆེན་པོ་དཔལ་ལུང་བསྟན་པ། འཕགས་པ་ལྷ་མོ་ཆེན་མོ་དཔལ་ལུང་བསྟན་པ། སངས་རྒྱས་དང་། བྱང་ཆུབ་སེམས་དཔའ
390a7 ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་བདེ་བ་ཅན་ན་བྱང་ཆུབ་སེམས་དཔའི་དགེ་འདུན་མང་པོ་འདི
iiif viewer powered by OpenSeadragon
