| e-texts navigator |
| Wylie |
389b1 འཁོར་བའི་བཙོན་རར་བཅིངས་པ་ཡི། །སེམས་ཅན་བྱེ་བ་དགྲོལ་བར་བགྱི། །དེ་ནས་བཅོམ་ལྡན་འདས་ཀྱིས་རྒྱལ་པོའི་བཙུན་མོ་བདེ་ལྡན་མ་ལ་ཚིགས་སུ་བཅད་པ་དག
389b2 གིས་ལེགས་སོ་ཞེས་བྱ་བ་བྱིན་ཏེ། ཚིག་འདི་སྨྲས་པ་ལེགས་པ་ཡིན། །སེམས་ནི་རབ་ཏུ་སྡོམ་པ་ལེགས། །ཁྱོད་ཀྱིས་བདུད་ནི་ལེགས་པར་མནན། །རྫོགས་སངས་རྒྱས་སུ
389b3 ཁྱོད་འགྱུར་རོ། །དེ་ནས་རྒྱལ་པོའི་བཙུན་མོ་བདེ་ལྡན་མ་དགའ་ཞིང་མགུ་ལ་རབ་ཏུ་དགའ་བ་དང་། དགའ་ཞིང་ཡིད་བདེ་བ་སྐྱེས་ནས་བཅོམ་ལྡན་འདས་དང་། བྱང་ཆུབ་སེམས
389b4 དཔའ་བྱམས་པ་བཟའ་བ་དང་། བཅའ་བ་མང་པོས་ཚིམ་པར་བྱས་སོ། །དེ་ནས་བཅོམ་ལྡན་འདས་བསྩང་སྡེར་ནི་གྱུ། ཕྱག་ནི་བཅབས་ནས་རྒྱལ་པོའི་བཙུན་མོ་བདེ་ལྡན་མ་ལ་ཆོས
389b5 ཀྱི་གཏམ་རྒྱས་པར་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། །ཡང་དག་པར་རབ་ཏུ་དགའ་བར་མཛད་ནས་ལུང་བསྟན་ཏེ། བདེ
389b6 ལྡན་མ། ཁྱོད་མ་འོངས་པའི་དུས་བསྐལ་པ་དུ་མ་ཞིག་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལྷ་དང་། མི་རྣམས་ཀྱི་སྟོན་པ། སངས་རྒྱས
389b7 བཅོམ་ལྡན་འདས་ཡོན་ཏན་རིན་ཆེན་དཔལ་ཞེས་བྱ་བར་འགྱུར་རོ། །ཁྱོད་ཀྱི་སངས་རྒྱས་ཀྱི་ཞིང་ཡང་མཆོག་ཏུ་ཡོངས་སུ་དག་པར་འགྱུར་ཏེ། ངན་སོང་ངན་འགྲོ་ལོག་པར
iiif viewer powered by OpenSeadragon
