| e-texts navigator |
| Wylie |
157a1 སྐེགས་ཁུ་བྱུག་དང་། །འབྲུག་སྒྲ་ཁྲུང་ཁྲུང་ཀུན་ལ། །ཤང་ཤང་ཏེའུ་དང་གླིང་བུ་དང་། །རྫ་རྔའི་སྒྲ་དང་གཞན་དག་ཀྱང་། །སྒྲ་སྐྲད་སྙན་པ་ཅི་ཡང
157a2 རུང་|་|དེ་དག་དེ་བཞིན་གཤེགས་པ་ཡི། །གསུང་གི་བཅུ་དྲུག་ཆར་མི་ཕོད། །བསྐུལ་མཛད་དེ་བཞིན་མཉེན་པ་སྟེ། །དེ་ནི་སྙན་ཅིང་འཇམ་པ་དང་། །ཡིད་འོང་དགའ་བྱེད་གསལ
157a3 བ་སྟེ|་|སྐྱོན་དང་བྲལ་ཞིང་འཇིགས་པ་མེད། །རེ་བ་རྣམས་ལ་ཆར་རྒྱུན་ལྟར། །སེམས་རྒྱུན་ཚིམ་པར་བྱེད་ལ་ཞི། །མ་ཉམས་མ་འཁྲུལ་རབ་ཏུ་ཞི། །དེ་བཞིན་དག་ཅིང་བརྡ་ཕྲད
157a4 སླ|་|སྐལ་དང་ལྡན་ཞིང་སྙན་པར་ལྡན། །དོན་དང་ཡོན་ཏན་ཐམས་ཅད་ཚོགས། །གསུང་གི་རྒྱན་རྣམས་ཕུན་སུམ་ཚོགས། །དེ་ཡི་གསུང་ནི་དགེ་སྐྱེད་པ། །སེམས་ཅན་མོས
157a5 པ་ཐ་དད་པ། །དེ་བཞིན་ངེས་ཚིག་ཐ་དད་རྣམས། །དེ་ཡི་གསུང་ལ་ངེས་པར་དད། །ཡིད་ཀྱང་རབ་ཏུ་དགའ་བར་འགྱུར། །དེས་ནི་ཕྱོགས་བཅུའི་འཇིག་རྟེན་ཁམས། །གནས་པའི་སེམས
157a6 ཅན་གསུང་གིས་ཁྱབ། །མགོན་པོ་དེ་ཡི་གསུང་ཚིག་ནི། །སེམས་ཅན་རྣམས་ལ་དོན་ཡོད་འཇུག་།ཐུབ་པ་སྐྱེས་མཆོག་དེ་ཡི་ནི། །མགུར་ཡང་དུང་འདྲ་དཔུང་མགོ་ཟླུམ། །དེ་ཡི་ཐལ
157a7 གོང་རྒྱས་པ་སྟེ། །དེ་ནི་བདུན་པོ་མཐོ་བ་མངའ། །དེ་ཡི་ཕྱག་ཀྱང་རབ་ཏུ་རིང་། །པགས་པ་གསེར་མདོག་འདྲ་བ་སྟེ། །གསེར་གྱི་སྡོང་པོ་བཞིན་དུ་མཐོ། །ནྱ་གྲོ་དྷ་ལྷར་ཆུ་ཞེང་གང་།
iiif viewer powered by OpenSeadragon
