| e-texts navigator |
| Wylie |
156a1 འཇིག་རྟེན་པ་ཡི་རྟོག་མི་མངའ། །པདྨ་ཆུ་ལས་སྐྱེས་པ་ལྟར། །མངའ་བདག་མི་གོས་སྤྱོད་པར་མཛོད། །བློ་གྲོས་ལྡན་པ་ཐེ་ཚོམ་གཅོད། །ཕན་མཛད
156a2 ཐུགས་རྗེར་ལྡན་པ་དེ། །འགྲོ་བའི་སྡུག་བསྔལ་བསལ་བའི་ཕྱིར། །རྣམ་པར་འདྲེན་པ་འདིར་གཤེགས་སོ། །བསྟོད་ཀྱང་དགྱེས་པར་མི་འགྱུར་ལ། །སྤྲད་ཀྱང་འཁྲུག་པར་མི་འགྱུར
156a3 ཏེ|་|ཁོང་ཁྲོ་རྗེས་སུ་ཆགས་པ་སྤངས། །ཆགས་མེད་རྒྱུ་བ་རླུང་དང་འདྲ། །འདི་ནི་ཆོས་རྒྱལ་དམ་པ་སྟེ། །ཡེ་ཤེས་ཟབ་མོ་ཕུན་སུམ་ཚོགས། །དོན་དམ་དོན་ལ་མཁས་པ་པོ། །འགྲོ
156a4 བའི་སློབ་དཔོན་གཤེགས་པ་ཡིན། །དེ་ནི་དབུ་མ་སྟོན་པ་སྟེ། །ཡོད་མེད་འཛིན་ལས་རྣམ་པར་གྲོལ། །ཆོས་ལམ་ལྡན་ཞིང་ཞི་བ་སྟེ། །བསྟེན་པ་ཐམས་ཅད་ཡོངས་སུ་སྤངས།།
156a5 ཡེ་ཤེས་ཕུང་པོ་བདག་མེད་བདག་།བསོད་ནམས་ཚོགས་རྣམས་བསགས་པ་ཡི། །བདེ་གཤེགས་འཇིག་རྟེན་འདྲེན་པ་པོ། །མཐའ་ཡས་གཟུགས་ཅན་དེང་གཤེགས་སོ། །
156a6 དབུ་སྐྲ་གཡས་སུ་འཁྱིལ་བར་གནས། །འཇམ་ཞིང་མདོག་སྣུམ་ལྕང་ལོ་ཅན། །གནག་ཅིང་འཛིངས་པ་མེད་རྣམས་ཀྱིས། །དེ་ཡི་དབུ་ནི་རྣམ་པར་མཛེས། །གཙུག་ཏོར་གཡས
156a7 སུ་འཁྱིལ་བ་སྟེ། །དབུ་སྐྲ་འཁྱིལ་ཞིང་ལེགས་པར་གནས། །རི་རབ་རྩེ་མོ་འདྲ་བར་ནི། །དེ་ཡི་དབྱིབས་ནི་མཛེས་པ་ཡིན། །དེ་ཡི་སྨིན་མཚམས་མཛོད་སྤུ་མཛེས། །འཇམ་ཞིང
iiif viewer powered by OpenSeadragon
