| e-texts navigator |
| Wylie |
155a1 བསོད་སྙོམས་ལ་གཤེགས་ནས། བཅོམ་ལྡན་འདས་ཀྱིས་ཞབས་སྒོའི་ཐེམ་པ་ལ་བཞག་མ་ཐག་ཏུ་སངས་རྒྱས་བཅོམ་ལྡན་འདས་རྣམས་གྲོང་ཁྱེར་དུ་གཤེགས
155a2 པ་ན་ངོ་མཚར་རྨད་དུ་བྱུང་བའི་ཆོས་རྣམས་འབྱུང་བར་འགྱུར་བ་གང་དག་ཡིན་པ་དེ་དག་བྱུང་སྟེ། ལོང་བ་རྣམས་ནི་མཐོང་པར་གྱུར། འོན་པ་རྣམས་ནི་ཐོས་པར་གྱུར། སྨྱོན་པ་རྣམས
155a3 ནི་དྲན་པ་རྙེད་པར་གྱུར་ཏོ། །ལྷའི་མེ་ཏོག་གི་ཆར་ཡང་བབ་པོ། སྣང་བ་ཆེན་པོའང་བྱུང་ངོ་། །སྲང་ཡང་དྲི་མ་མེད་པར་གྱུར་ཏོ། །ལྷའི་སིལ་སྙན་ཡིད་དུ་འོང་བ་དག་ཀྱང་མ་བརྡུངས
155a4 པར་གྲག་གོ་། མནར་མེད་པའི་སེམས་ཅན་དམྱལ་བ་ལ་ཐུག་པ་ནས་འོག་མིན་གྱི་གནས་མན་ཆད་ཀྱི་སེམས་ཅན་ཐམས་ཅད་ཀྱང་གཅིག་ཏུ་ངེས་པར་བདེ་བ་དང་ལྡན་པར་གྱུར་ཏོ། །དེའི་ཚེ
155a5 ཡངས་པའི་གྲོང་ཁྱེར་ཆེན་པོ་ན་ལི་ཙ་བཱི་སེང་གེ་བུ་རིན་ཆེན་བྱིན་ཞེས་བྱ་བ། སྐྱེས་ནས་ལོ་གསུམ་ལོན་པ། མ་མའི་པང་པ་ན་འདུག་པ། ཁང་བཟང་གིས་བརྒྱན་པའི་ཁང་བཟང
155a6 གི་སྟེང་ན་འདུག་སྟེ། ཁྱེའུ་རིན་ཆེན་བྱིན་གྱིས་རྨད་དུ་བྱུང་བའི་མཚན་མ་དག་མཐོང་ངོ་། །དེ་ནས་ཁྱེའུ་རིན་ཆེན་བྱིན་གྱིས་རང་གི་མ་མ་ལ་ཚིགས་སུ་བཅད་དེ་སྨྲས་པ། མ་མ
155a7 གང་གི་མཐུ་སྟོབས་ཀྱིས། །ཤིན་ཏུ་ཡ་མཚན་བྱུང་བ་སྣང་། །ཉི་མ་བྱེ་བ་རྣམས་ཀྱི་འོད། །ཟིལ་གནོན་སྣང་འདི་སུ་ཞིག་ཡིན། །སྟོང་གསུམ་ས་གཞི་ཁྱབ་གྱུར་ནས། །ངན་འགྲོ་སྐེམ
iiif viewer powered by OpenSeadragon
