| e-texts navigator |
| Wylie |
154b1 བའི་བློ་གྲོས་དང་། ངན་སོང་སྤོང་དང་། དོན་གྲུབ་སེམས་པ་དང་། ཡོན་ཏན་རྒྱལ་པོ་སྣང་དང་། མྱ་ངན་གྱི་མུན་པ་ཐམས་ཅད་སེལ་བའི་བློ་གྲོས་དང་། མི་མཉམ་པ་ཐམས་ཅད་སྟོན་པ་དང་། དེའི
154b2 རང་བཞིན་དུ་མི་གནས་པ་དང་། བློ་མཐའ་ཡས་དང་། བརྩོན་འགྲུས་དང་། རྩལ་བསྟན་པོར་སེམས་པ་དང་། རིན་ཆེན་འབྱུང་གནས་དང་། བཀོད་པའི་རྒྱལ་པོ་དང་། རྣམ་པར་འཕྲུལ་པའི
154b3 རྒྱལ་པོ་དང་། འཁྲུལ་པ་མེད་པའི་མཐུ་རྩལ་དང་། ཁྱད་པར་བློ་གྲོས་དང་། ཀུན་ནས་མཛེས་དང་། སྒྲིལ་མེད་སྟོན་དང་། རྣམ་པར་རྩེ་དང་། གསེར་མཆོག་འོད་དཔལ་དང་། ཆོས་ཐམས་ཅད
154b4 ལ་རྟག་ཏུ་ལྟ་བའི་བློ་ལྡན་དང་། སྤོས་དྲི་མྱུར་སྦྱིན་མེ་ཏོག་ཀུན་ཏུ་རྒྱས་དང་། གཙོ་བོ་བརྩེགས་དང་། མྱ་ངན་མེད་པའི་དཔལ་དང་། ལྷུན་པོའི་ལྟོ་དང་། སྤྱན་རས་གཟིགས་དབང་ཕྱུག་དང་།
154b5 སྤོས་ཀྱི་དབང་ཕྱུག་རྒྱལ་པོ་དང་། མཆོག་ཏུ་དགའ་བའི་རྒྱལ་པོ་དང་། བློ་མཐའ་ཡས་སྒྲུབ་པ་དང་། དམ་པའི་ཆོས་ཐམས་ཅད་མི་བརྗེད་པར་གནས་པ་དང་། བྱང་ཆུབ་སེམས་དཔའ
154b6 སེམས་དཔའ་ཆེན་པོ་སེང་གེ་ལྟར་སྒྲ་མངོན་པར་སྒྲོགས་པ་དང་། དེ་དག་དང་། བྱང་ཆུབ་སེམས་དཔའ་སྟོང་ཕྲག་མང་པོ་གཞན་དག་དང་ཡང་ཐབས་གཅིག་ཏུ་བཞུགས་སོ། །དེ་ནས་བཅོམ
154b7 ལྡན་འདས་སྔ་དྲོའི་དུས་ཀྱི་ཚེ་ཤམ་ཐབས་དང་། ཆོས་གོས་གསོལ་ཏེ། ལྷུང་བཟེད་བསྣམས་ནས་དགེ་སློང་ཉིས་སྟོང་གིས་བསྐོར་ཅིང་མདུན་དུ་བདར་ཏེ་ཡངས་པའི་གྲོང་ཁྱེར་ཆེན་པོར
iiif viewer powered by OpenSeadragon
