| e-texts navigator |
| Wylie |
9a1 བདག་ཡང་དག་པར་ཇི་ལྟར་མཐོང་། ཐེག་པ་ཆེན་པོ་པ་རྣམས་ཀྱིས་སྨྲས་པ། ལྷའི་མིག་དང་ལྡན་པ་རྣམས་ཀྱིས་ཀྱང་མི་མཐོང་སྟེ། གང་ལ་ཁ་དོག
9a2 མེད་པ་དང་། གཟུགས་མེད་པ་དང་། དབྱིབས་མེད་པ་དེ་ཇི་ལྟར་མཐོང་བར་འགྱུར། མུ་སྟེགས་པ་རྣམས་ཀྱིས་སྨྲས་པ། ཅི་མེད་པ་ཡིན་ནམ། ཐེག་པ་ཆེན་པོ་པ་རྣམས
9a3 ཀྱིས་སྨྲས་པ། མེད་དོ་ཞེས་བརྗོད་པ་ན་ཡོད་དོ་ཞེས་བརྗོད་པ་ནི་ལོག་པར་སྨྲ་བའོ། །གལ་ཏེ་མེད་ན་ཇི་ལྟར་འདི་མངོན་སུམ་དུ་ཡོད་པར་རྩེ་བ་དང་། དགོད་པ་དང་། ངུ་བ
9a4 དང་|་རོལ་པ་དང་། ཁྲོ་བ་དང་། ང་རྒྱལ་དང་། ཕྲག་དོག་དང་། ཕྲ་མ་ལ་སོགས་པ་ཀུན་ཏུ་འབྱུང་བར་འགྱུར། དེ་བས་ན་མེད་དོ་ཞེས་བརྗོད་པར་ཡང་མི་རུང་སྟེ། ཡོད
9a5 དམ་མེད་ཅེས་གང་འདི་ལྟར་བརྗོད་པར་མི་བྱ་སྟེ། ཉེས་པ་འདི་ཡོད་པས་ན་ཡོད་པའོ་ཞེའམ། མེད་པའོ་ཞེས་བརྗོད་པར་མི་བྱའོ། །མུ་སྟེགས་པ་རྣམས་ཀྱིས་སྨྲས་པ། འོ་ན
9a6 འདིར་གང་ཞིག་དམིགས་པར་འགྱུར། ཐེག་པ་ཆེན་པོ་པ་རྣམས་ཀྱིས་སྨྲས་པ། དམིགས་པར་གྱུར་པ་ནི་ཅིའང་མེད་དོ། །མུ་སྟེགས་པ་རྣམས་ཀྱིས་སྨྲས་པ། ཅི་ནམ་མཁའ་ལྟར
9a7 སྟོང་པ་ཉིད་ཡིན་ནམ། ཐེག་པ་ཆེན་པོ་པ་རྣམས་ཀྱིས་སྨྲས་པ། གྲོགས་པོ་དག། དེ་དེ་བཞིན་དེ། ནམ་མཁའ་ལྟར་སྟོང་པ་ཉིད་ཡིན་ནོ། །མུ་སྟེགས་པ་རྣམས་ཀྱིས་སྨྲས་པ་།
iiif viewer powered by OpenSeadragon
