| e-texts navigator |
| Wylie |
8b1 ཆེན་པོའི་ནང་དུ་སོང་སྟེ། ཞེས་དང་བཅས་ཤིང་ཐལ་མོ་སྦྱར་ནས་བདག་མེད་པའི་དྲི་བ་དག་ཡོངས་སུ་དྲིས་པ། རིགས་ཀྱི་བུ། ཐམས་ཅད་མཁྱེན་པས་ནི་ལུས་ལ་བདག་མེད་དོ་ཞེས་གསུངས
8b2 ལ|་གལ་ཏེ་ལུས་ལ་ཡང་དག་པར་བདག་མེད་ན་ཇི་ལྟར་ན་དེ་ལས་རྩེ་བ་དང་། དགོད་པ་དང་། ངུ་བ་དང་། རོལ་བ་དང་། ཁྲོ་བ་དང་། ང་རྒྱལ་དང་། ཕྲག་དོག་དང་། ཕྲ་མ་ལ་སོགས
8b3 པ་ཀུན་ཏུ་འབྱུང་བར་འགྱུར། ཅི་ལུས་ལ་ཡང་དག་པར་ན་བདག་ཡོད་དམ། མེད་པ་ཡིན། བདག་ཅག་གི་ཐེ་ཚོམ་དེ་དག་ཁྱོད་ཀྱིས་བསལ་བའི་རིགས་སོ། །ཐེག་པ་ཆེན་པོ་པ་རྣམས
8b4 ཀྱིས་སྨྲས་པ། གྲོགས་པོ་དག། ལུས་ལ་ནི་བདག་ཡང་དག་པར་ཡོད་དོ་ཞེའམ། མེད་དོ་ཞེས་གཉིས་ཀར་ཡང་འདིར་བརྗོད་པར་མི་བྱ་སྟེ། ཡང་དག་པར་ཡོད་དོ་ཞེས་བརྗོད་པ་ན
8b5 མེད་དོ་ཞེས་བརྗོད་པ་ནི་ལོག་པར་སྨྲ་བའོ། །གལ་ཏེ་ཡོད་ན་ཇི་ལྟར་ན་དེ་སྐྲ་དང་། སེན་མོ་དང་། པགས་པ་དང་། མགོ་བོ་དང་། ཤ་དང་། རུས་པ་དང་། རྐང་དང་། ཚིལ་དང་། རྒྱུས
8b6 པ་དང་། མཆིན་པ་དང་། སྒྱུ་མ་དང་། མིད་པ་དང་། ལག་པ་དང་། རྐང་པ་དང་། ཡན་ལག་དང་། ཉིང་ལག་ལ་སོགས་པ་ལུས་ཐམས་ཅད་ཀྱི་ཕྱི་དང་། ནང་དུ་བཅས་པ་ལ་རྣམ་པར
8b7 བརྟགས་ན་བདག་ཡང་དག་པར་མི་སྣང་ངོ་། །མུ་སྟེགས་པ་རྣམས་ཀྱིས་སྨྲས་བ། ལྷའི་མིག་དང་ལྡན་པ་འགའ་ཞིག་གིས་མཐོང་གི། བདག་ཅག་རྣམས་ནི་ཤའི་མིག་ཅན་ཡིན་པས
iiif viewer powered by OpenSeadragon
