| e-texts navigator |
| Wylie |
25a1 གྱིས་མི་ཁྱབ་པའི་ཡོན་ཏན་ལྷུན་གྱིས་གྲུབ་པའོ། །རིགས་ཀྱི་བུ་དག། དེ་བཞིན་གཤེགས་པ་ནི་སེམས་ཅན་དེ་དག་གི་བསམ་པ་ཐུགས་སུ་ཆུད་པས་དེ་ལ
25a2 ཆོས་སྟོན་ཏོ། །རིགས་ཀྱི་བུ་རྣམས། ད་ལྟར་གྱི་དུས་ཀྱི་སེམས་ཅན་དེ་དག་ནི་ཆོས་འདི་སྤྱོད་པ་ལ་མོས་པ་ཉུང་ངོ་། །རིགས་ཀྱི་བུ་དག། ད་ལྟར་གྱི་དུས་ཀྱི་སེམས་ཅན་དག་ནི་ཆོས
25a3 འདི་སྤྱོད་པ་ལ་བརྩོན་འགྲུས་རྩོམ་པ་ཉུང་ངོ་། །རིགས་ཀྱི་བུ་དག་ད་ལྟར་གྱི་དུས་ཀྱི་སེམས་ཅན་དག་ནི་ཆོས་འདི་ལ་བག་བྱེད་པར་སྤྱོད་པའང་ཉུང་ངོ་། །དེ་ཅིའི་ཕྱིར་ཞེ་ན། དུས་ངན
25a4 པའི་སེམས་ཅན་དག་ནི་ཆོས་འདི་ལ་སྤྱོད་པའང་རབ་ཏུ་ཉུང་ངོ་། །དེ་བཞིན་གཤེགས་པ་ནི་རྙོག་པ་ལྔའི་འཇིག་རྟེན་ངན་པར་འབྱུང་ངོ་། །འདི་ལྟ་སྟེ། སེམས་ཅན་གྱི་རྙོག་པ་དང་།
25a5 ལྟ་བའི་རྙོག་པ་དང་། ཚེའི་རྙོག་པ་དང་། ཉོན་མོངས་པའི་རྙོག་པ་དང་། བསྐལ་པའི་རྙོག་པའོ། །རིགས་ཀྱི་བུ་དག། ཆུང་ངུ་ན་སེམས་ཅན་འགའ་ཞིག་ཤིན་ཏུ་ཟབ་མོ་རྣམ་པར
25a6 དག་པའི་ཆོས་འདི་ལ་ཡིད་ཆེས་ཏེ། སངས་རྒྱས་ཀྱི་ཤེས་རབ་ལ་ཕྱིན་པར་བྱེད་ན་དེ་ནི་ཤིན་ཏུ་ངོ་མཚར་ཆེ་བ་ཡིན་ན་དེ་བཞིན་གཤེགས་པ་སྤྱོད་ཡུལ་ལ་མོས་པ་ལྟ་ཅི་སྨོས།
25a7 རིགས་ཀྱི་བུ་དག། ང་རྟག་ཏུ་ཡུན་རིང་བོ་ནས་དེ་ལྟ་བུའི་སྨོན་ལམ་གྱིས་བརྒྱན་ཅིང་དེ་ལྟ་བུའི་བརྩོན་འགྲུས་དང་། བཟོད་པ་བྱས་པའང་སྡུག་བསྔལ་གྱིས་གཟིར་བའི་སེམས་ཅན
iiif viewer powered by OpenSeadragon
