| e-texts navigator |
| Wylie |
11a1 རྟག་ཏུ་བསྒོམ། །དངོས་པོ་མེད་ཅིང་དམིགས་སུ་མེད། །ཐམས་ཅད་སྟོང་པ་གནས་མེད་པ། །སྤྲོས་པ་རྣམས་ལས་ཡང་དག་འདས། །བྱང་ཆུབ་སེམས
11a2 དཔའི་མཚན་ཉིད་ཡིན། །སྲ་བ་མ་ཡིན་འཇམ་པ་མིན། །དྲོ་བ་མ་ཡིན་གྲང་བ་མིན། །དེ་ནི་རེག་མིན་གཟུང་བྱ་མིན། །བྱང་ཆུབ་སེམས་ཀྱི་མཚན་ཉིད་ཡིན། །རིང་པོ་མ་ཡིན
11a3 ཐུང་བ་མིན། །ཟླུམ་པོ་མ་ཡིན་གྲུ་གསུམ་མིན། །ཕྲ་བ་མ་ཡིན་སྤོམ་པའང་མིན། །བྱང་ཆུབ་སེམས་ཀྱི་མཚན་ཉིད་ཡིན། །སྒོམ་པ་རྣམས་ལས་རྣམ་འདས་ཤིང་། །མུ་སྟེགས
11a4 རྣམས་ཀྱི་སྤྱོད་ཡུལ་མིན། །ཤེས་རབ་ཕ་རོལ་ཕྱིན་སྦྱོར་བ། །བྱང་ཆུབ་སེམས་ཀྱི་མཚན་ཉིད་ཡིན། །དཔེ་མེད་བསྒོམ་དུ་མེད་པ་དང་། །མཐོང་མིན་གནས་ཀྱི་མཆོག་གྱུར
11a5 ལ|་|རང་བཞིན་གྱིས་ནི་རྣམ་དག་པ། །བྱང་ཆུབ་སེམས་ཀྱི་མཚན་ཉིད་ཡིན། །ཐམས་ཅད་དབུ་བ་ལྟ་བུ་སྟེ། །ཆུ་བུར་ལྟ་བུར་སྙིང་པོ་མེད། །རྟག་པ་མ་ཡིན་བདག་མེད་པ།
11a6 སྒྱུ་མ་སྨིག་རྒྱུ་དག་དང་མཚུངས། །གོང་བུ་བཞིན་དུ་བསྡུས་གྱུར་པ། །སྤྲོས་པ་རྣམས་ཀྱིས་ཡོངས་སུ་གང་། །འདོད་ཆགས་ཞེ་སྡང་ལ་སོགས་ལྟར། །དེ་ནི་སྒྱུ་མ་ཚུངས་འབའ
11a7 ཞིག་ཡིན། །ཇི་ལྟར་ནང་ན་ཐིག་ལེ་ནི། །སྐད་ཅིག་དེ་ལ་མི་མཐོང་སྟེ། །ཤེས་རབ་ཕ་རོལ་ཕྱིན་མཐོང་ན། །དེ་བཞིན་བློ་ནི་འདུས་མ་བྱས། །རྟག་ཏུ་དགོད་ཅིང་རྩེ་བ་དང་།།
iiif viewer powered by OpenSeadragon
