| e-texts navigator |
| Wylie |
10b1 ནི་མི་ཤེས་པས། །སྐྱེ་བ་དང་ནི་འགག་འགྱུར་ཞིང་། །སྐྱེ་མེད་འགྲོ་དང་འོང་བར་འགྱུར། །འཇིག་རྟེན་ཆོས་ལ་གནས་པ་ཡི། །བླུན་པོ་འཁོར་ལོ་བཞིན་དུ་འཁོར། །སྡུག་བསྔལ
10b2 གནས་ཅན་འཁོར་བ་འདིར། །ཡང་དང་ཡང་དུ་འཁོར་བར་འགྱུར། །ཇི་ལྟར་ཉི་མ་ཟླ་བ་དག་།སླར་ཡང་འོང་ཞིང་འགྲོ་བར་བྱེད། །དེ་བཞིན་སྲིད་པར་འཕོ་བ་ན། །སླར་ཡང་འོང
10b3 ཞིང་འགྲོ་བར་འགྱུར། །འཁོར་བ་ཐམས་ཅད་མི་རྟག་ཅིང་། །མི་བརྟན་སྐད་ཅིག་འཇིག་པ་ཉིད། །དེ་བས་དོན་དམ་ཤེས་པ་ཡིས། །ཀུན་རྫོབ་བདེན་པའི་གནས་སྤོང་ངོ་། །མཐོ་རིས
10b4 གནས་ནས་ལྷ་རྣམས་དང་། །དྲི་ཟ་ལྷ་མི་རྣམས་ཀྱང་ནི། །ཀུན་ལ་འཕོ་བ་ཡོད་གྱུར་པ། །ཀུན་ཀྱང་ཀུན་རྫོབ་འབྲས་བུ་ཡིན། །གྲུབ་དང་རིག་འཛིན་གནོད་སྦྱིན་དང་། །དྲི་ཟ་དང་ནི་ལྟོ
10b5 འཕྱེ་རྣམས། །སླར་ཡང་དམྱལ་བར་འགྲོ་འགྱུར་བ། །ཀུན་ཀྱང་ཀུན་རྫོབ་འབྲས་བུ་ཡིན། །གང་ཞིག་བརྩོན་དྲག་ལྷ་རྣམས་དང་། །ཡོན་ཏན་འབྱུང་གནས་ལ་གནས་གང་། །མཐོ་རིས
10b6 ལས་འཕོ་ལྟུང་གྱུར་བ། །ཐམས་ཅད་ཀུན་རྫོབ་འབྲས་བུ་ཡིན། །བརྒྱ་བྱིན་འཁོར་ལོས་བསྒྱུར་ཉིད་དེ། །གང་གིས་དམ་པའི་གནས་ཐོབ་ནས། །སླར་ཡང་བྱོལ་སོང་སྐྱེ་གནས
10b7 འཇུག། ཐམས་ཅད་ཀུན་རྫོབ་འབྲས་བུ་ཡིན། །དེ་བས་མཐོ་རིས་ལྷ་རྣམས་ཀྱི། །བདེན་པ་བཟང་པོ་ཀུན་སྤོང་ལ། །བྱང་ཆུབ་སེམས་ནི་འོད་གསལ་བ། །རྣལ་འབྱོར་བས་ནི
iiif viewer powered by OpenSeadragon
