| e-texts navigator |
| Wylie |
10a1 མེད་པ་དང་། ནོར་མེད་པ་དང་། བུ་མེད་པ་དང་། ཆུང་མ་མེད་པ་དང་། མཛའ་བ་ཤེས་མེད་པ་དང་། ཉེ་དུ་ལ་སོགས་པ་མེད་པ་དེ་ནི་དོན་དམ་པ་ཞེས་བྱའོ།།
10a2 གང་ལ་རང་བཞིན་གྱིས་དངོས་པོ་ཐམས་ཅད་དུ་ཡོངས་སུ་བརྟགས་ཤིང་དགེ་བ་དང་། མི་དགེ་བའི་འབྲས་བུ་དང་། སྐྱེ་བ་དང་། འགག་པ་ནི་ཀུན་རྫོབ་བོ། །དགེ་བ་དང་། མི་དགེ
10a3 བའི་འབྲས་བུ་མེད་པ་དང་། སྐྱེ་བ་མེད་པ་དང་། འགག་པ་མེད་པ་དེ་བཞིན་ཉིད་ཀྱི་ངོ་བོ་ཉིད་དེ་ལ་ནི་ཀུན་ནས་ཉོན་མོངས་པ་དང་། རྣམ་པར་བྱང་བ་མེད་དེ། དེ་ནི་དབུ་མའི་ཆོས
10a4 རྣམས་ཀྱི་སྒྲུབ་པ་ལྷུར་ལེན་པའོ། །དེ་ལ་འདི་སྐད་ཅེས་བྱ་སྟེ། ཀུན་རྫོབ་དང་ནི་དོན་དམ་སྟེ། །དབྱེ་བ་གཉིས་སུ་ཡང་དག་བཤད། །ཀུན་རྫོབ་འཇིག་རྟེན་པ་ཡི་ཆོས། །དོན་དམ
10a5 འཇིག་རྟེན་འདས་པའོ། །ཀུན་རྫོབ་ཆོས་ལ་ཞུགས་པ་ཡི། །སེམས་ཅན་ཉོན་མོངས་དབང་དུ་འགྲོ་།དོན་དམ་ཡོངས་སུ་མ་ཤེས་པས། །འཁོར་བར་ཡུན་རིང་འཁོར་བར
10a6 འགྱུར། །ཀུན་རྫོབ་འཇིག་རྟེན་ཆོས་རྣམས་ལ། །མི་མཁས་པ་དག་རྟོག་པར་བྱེད། །ཀུན་ཏུ་རྟོག་པ་དེ་ཡིས་ནི། །སྡུག་བསྔལ་ཉམས་སུ་མྱོང་བར་འགྱུར། །ཇི་ལྟར་སོ་སོའི
10a7 སྐྱེ་བོ་ཡི། །བྱིས་པས་གྲོལ་ལམ་མི་ཤེས་པས། །མི་བཟད་པ་ཡི་སྡུག་བསྔལ་དག་།མང་པོ་རྗེས་སུ་མྱོང་བར་འགྱུར། །གང་དུ་སྲིད་པ་འགག་འགྱུར་བའི། །དོན་དམ་དག
iiif viewer powered by OpenSeadragon
