| e-texts navigator |
| Wylie |
300b1 ཕྱིར་མར་མེ་དང་། ཡོན་ཆབ་ཏུ་བྱིན་གྱིས་རློབ་སྟེ། དེ་དག་ཀྱང་འབར་ཞིང་མར་མེ་དང་། ཡོན་ཆབ་ཀྱི་ཆར་འབབ་པར་སྣང་ངོ་། །སེམས་ཅན་ཐམས་ཅད་ཀྱི་མདུན་ནའང
300b2 བདག་གི་ལུས་ཉེ་བར་སྟོན་ཏེ། བརྒྱ་བྱིན་ཏུ་སྟོན་པའམ། ཚངས་པར་སྟོན་པའམ། ཉན་ཐོས་སུ་སྟོན་པའམ། རང་སངས་རྒྱས་སུ་སྟོན་པའམ། སངས་རྒྱས་སུ་སྟོན་པ་ཇི་ལྟར་མོས་པའི
300b3 གཟུགས་སུ་སྟོན་ཏོ། །རྣམ་པར་འཕྲུལ་པའི་རྒྱལ་པོ། དེ་ནི་བྱང་ཆུབ་སེམས་དཔའ་རྣམས་ཀྱི་མངོན་པར་ཤེས་པའི་རྣམ་པར་འཕྲུལ་བ་སྟེ། འདི་ལྟ་སྟེ། ལྷའི་མིག་གཟུགས་ལྟ་བ་ལ་ཐོགས་པ་མེད་པ
300b4 དང་། ལྷའི་རྣ་བ་སྒྲ་ཉན་པ་ལ་སྒྲིབ་པ་མེད་པ་དང་། སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་ཤེས་པ་ལ་ཐོགས་པ་མེད་པའི་ཤེས་པ་ཉིད་དང་། བསྐལ་པ་གྲངས་མེད་པ་རྗེས
300b5 སུ་དྲན་ཞིང་བསྐལ་པ་གྲངས་མེད་པར་གནས་པ་ལ་ཐོགས་པ་མེད་པ། སྒྲིབ་པ་མེད་པ་དང་། ཐམས་ཅད་ཉེ་བར་སྟོན་ཅིང་ལེན་པ་མེད་པ་དང་། དོར་བ་མེད་པར་བྱེད་པ་འདི
300b6 ནི་མངོན་པར་ཤེས་པའི་རྣམ་པར་འཕྲུལ་པ་ཞེས་བྱ་སྟེ། རྣམ་པར་འཕྲུལ་པའི་རྒྱལ་པོ། སངས་རྒྱས་ཐམས་ཅད་བསྟན་པར་བྱ་བའི་ཕྱིར་མངོན་པར་ཤེས་པ་གང་ཡིན་པ
300b7 དང་|་སེམས་ཅན་ཐམས་ཅད་ཀྱི་དབང་པོ་མཆོག་དང་། མཆོག་མ་ཡིན་པ་ཤེས་པའི་མངོན་པར་ཤེས་པ་གང་ཡིན་པ་དང་། ཉན་ཐོས་ཀྱི་ཐེག་པས་འདུལ་བའི་མངོན་པར་ཤེས
iiif viewer powered by OpenSeadragon
