| e-texts navigator |
| Wylie |
299b1 སྡུག་པ། མི་འཇིགས་པ་མེད་པ། སེམས་རང་གི་ལུས་ལ་ཞུམ་པ་དེ་དག་ལ་རྫུ་འཕྲུལ་གྱི་མཐུས་ཡན་ལག་དང་། ཉིད་ལག་ཐམས་ཅད་དང་ལྡན་པར་བྱས་པའི་འོག་ཏུ་གཟུགས
299b2 བཟང་པོ་ཅན་ལ་ཆོས་སྟོན། སེམས་ཅན་མངལ་གྱི་གནས་ན་འཁོད་པ་བླུན་ཞིང་མི་གཙང་བའི་སྙིང་པོས་འཚོ་བ་དག་ཀྱང་རྫུ་འཕྲུལ་གྱིས་མཐུས་བཏུལ་ཏེ། མངལ་ཉིད་དུ་རིན་པོ
299b3 ཆེ་བཀོད་པའི་ཁང་པ་བརྩེགས་པར་འདུག་ནས་དེ་དག་གི་ཡིད་ཀྱི་བློ་བསྐྱེད་དེ་དེ་དག་ལ་ཆོས་སྟོན། བཙས་ཏེ་དབང་པོ་ཡོངས་སུ་མ་སྨིན་པ་རྣམས་ཀྱང་རྫུ་འཕྲུལ་གྱིས་མཐུས་ངག
299b4 གི་ལས་ཀྱི་རྣམ་པར་རིག་བྱེད་ཀྱིས་བྱིས་པ་རྣམས་ལ་ཆོས་སྟོན་ཏོ། །རྣམ་པར་འཕྲུལ་པའི་རྒྱལ་པོ། བྱང་ཆུབ་སེམས་དཔའ་འདི་རྫུ་འཕྲུལ་དེ་ལྟ་བུ་དང་ལྡན་པས་ཆོ་འཕྲུལ
299b5 བསམ་གྱིས་མི་ཁྱབ་པ་དང་ལྡན་པ་གཞན་དག་གིས་ཀྱང་ཆོས་སྟོན་ཏེ། དེ་ཟླ་བ་དང་། ཉི་མ་ལ་མོས་པའི་སེམས་ཅན་རྣམས་གདུལ་བའི་ཕྱིར་ཟླ་བ་དང་། ཉི་མའི་གཞལ་མེད
299b6 ཁང་རྣམས་ན་ཟླ་བ་དང་། ཉི་མ་ལྟར་སྣང་ཞིང་རྫུ་འཕྲུལ་གྱི་མཐུས་ཀྱང་ཟླ་བ་དང་། ཉི་མའི་དཀྱིལ་འཁོར་དང་། སྟོང་གསུམ་གྱི་སྟེང་ཆེན་པོའི་འཇིག་རྟེན་གྱི་ཁམས་ལག་མཐིལ
299b7 དུ་བཞག་སྟེ་འཇིག་རྟེན་གྱི་ཁམས་མཐའ་ཡས་པར་འགྲོའོ། །དེ་འགྲོ་བའང་སྣང་ལ་གཞི་ནས་གཡོས་པའང་མེད་དོ། །དེ་འདོད་ན་སངས་རྒྱས་ཀྱི་ཞིང་གངྒཱའི་ཀླུང་གི་བྱེ་མ་སྙེད
iiif viewer powered by OpenSeadragon
