| e-texts navigator |
| Wylie |
299a1 བས་སྤྲིན་དང་། འབྲུག་སྒྲ་དང་། གློག་དང་། ཆར་གྱི་རྒྱུན་འབབ་པ་བསྟན་ནས་ཆོས་སྟོན། བཀྲེས་པ་དང་། སྐོམ་པས་ཉེན་པ་ཁ་ཅིག་ལ་ནི
299a2 ལྷའི་བཟའ་བ་དང་། བཏུང་བ་བྱིན་ནས་བདེ་བར་གྱུར་པ་ལ་ཆོས་སྟོན། སེམས་ཅན་དམྱལ་བ་པའི་སེམས་ཅན་གང་དག་སྡུག་བསྔལ་གྱིས་ཤིན་ཏུ་གཟིར་བ་དེ་དག་ལ་ནི
299a3 རྫུ་འཕྲུལ་གྱིས་མཐུས་སེམས་ཅན་དམྱལ་བའི་མེ་ཞི་བར་བྱས་ནས་སྤུའི་བུ་ག་ཐམས་ཅད་དུ་གཟི་བྱིན་བཅུག་སྟེ། བདེ་བ་ཐོབ་པར་གྱུར་པ་རྣམས་ལ་ཆོས་སྟོན། སེམས་ཅན
299a4 ལོང་བ་རྣམས་ལ་ནི་རྫུ་འཕྲུལ་གྱིས་མཐུས་མིག་བྱིན་ཏེ། མིག་དང་ལྡན་པར་གྱུར་པ་ལ་ཆོས་སྟོན། སེམས་ཅན་གང་དག་རྣ་བ་དང་བྲལ་ཞིང་འོན་པར་གྱུར་པ་དེ་དག་ལ་ནི
299a5 རྫུ་འཕྲུལ་གྱི་མཐུས་རྣ་བ་དང་ལྡན་པར་བྱས་ཏེ་དེ་དག་ལ་ཆོས་སྟོན། སེམས་ཅན་གང་དག་ནད་སྣ་ཚོགས་ཀྱིས་གཟིར་བ་དེ་དག་ལ་ནི་ནད་མེད་པར་བྱས་ནས་ནད་དང་བྲལ
299a6 བ་རྣམས་ལ་ཆོས་སྟོན། སེམས་ཅན་གང་དག་གསོད་དུ་ཁྲིད་ཅིང་སྲོག་གི་བར་ཆད་དུ་གྱུར་པ་དེ་དག་གི་ཕྱིར་ནི་རྫུ་འཕྲུལ་གྱིས་མཐུས་དེ་དང་འདྲ་བ་གཞན་དག་སྤྲུལ་ཏེ
299a7 བསམས་ནས་དེ་དག་ཐར་བར་བྱས་ཏེ་སྲོག་གི་དབུགས་ཕྱིན་པར་གྱུར་པ་རྣམས་ལ་ཆོས་སྟོན། སེམས་ཅན་ཡན་ལག་དང་། ཉིད་ལག་ཉམས་ཤིང་དབང་པོ་དང་བྲལ་ལ་མི
iiif viewer powered by OpenSeadragon
