| e-texts navigator |
| Wylie |
298b1 དོག་ལ་མོས་པ་དེ་དག་ལ་ནི་སངས་རྒྱས་ཀྱི་ཁ་དོག་དང་། གཟུགས་ཀྱིས་ཆོས་སྟོན་ཏོ། །དེ་སེམས་ཅན་ཁ་ཅིག་ལ་ནི་ནམ་མཁའ་ལ་སྐྱིལ་མོ་ཀྲུང་དུ་འདུག་ནས། འོད་རྣམས་ལས་འོད
298b2 ཟེར་ཕྱུང་སྟེ་ཆོས་སྟོན་ཏོ། །དེ་སེམས་ཅན་རྒྱ་ཆེན་པོ་ལ་མོས་པ་རྣམས་ལ་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་བླ་བྲེ་བྲེས་པ། དར་གྱི་ཆུན་ཀོར་གྱི་ཕྲེང
298b3 བ་དཔྱངས། གདུགས་དང་། རྒྱལ་མཚན་དང་། བ་དན་གྱིས་བརྒྱན། དྲིལ་བུའི་དྲ་བ་སྐྱེད། མེ་ཏོག་སྣ་ཚོགས་བཀྲམ། བདུག་པས་བདུག་།སིལ་སྙན་འབུམ་ཕྲག་དུ་མ་གསིལ
298b4 པ་བསྟན་ནས་ཆོས་སྟོན། སེམས་ཅན་ཁ་ཅིག་ལ་ནི་སྟོང་གསུམ་གྱི་འཇིག་རྟེན་གྱི་ཁམས་ཐམས་ཅད་རྒྱ་མཚོ་གཅིག་ཏུ་བྱིན་གྱིས་བརླབས་ཏེ། མེ་ཏོག་ཨུཏྤལ་དང་། ཀུ་མུ་ད
298b5 དང་། པདྨ་དཀར་པོས་ཁེབས་པར་བྱས་ནས་དེའི་དབུས་སུ་སེང་གེའི་ཁྲི་མངོན་པར་སྤྲུལ་ཏེ། དེ་ལ་བདག་འདུག་ནས་ཆོས་སྟོན། སེམས་ཅན་ཁ་ཅིག་ལ་ནི་རི་རབ་ཀྱི་རྩེ་མོ་ལ་བདག
298b6 འདུག་པར་བསྟན་ནས་ཚངས་པའི་སྒྲར་སྨྲ་བའི་དབྱངས་ཀྱིས་ཆོས་སྟོན། སེམས་ཅན་ཁ་ཅིག་ལ་ནི་ལུས་མི་སྣང་བར་སྒྲ་སྙན་པར་གྲགས་པའི་རྣམ་པར་རིག་བྱེད་ཀྱིས་ཆོས
298b7 སྟོན|་སེམས་ཅན་ཁ་ཅིག་ལ་ནི་དྲི་ཟའི་གཟུགས་ཀྱིས་གླུ་དང་། རོལ་མོའི་དབྱངས་སྒྲ་དགའ་བའི་སྦྱོར་བར་ཆོས་སྟོན། སེམས་ཅན་ཁ་ཅིག་ལ་ནི་ཀླུའི་དཀྱིལ་འཁོར་གྱིས་སྦྱོར
iiif viewer powered by OpenSeadragon
