| e-texts navigator |
| Wylie |
297a1 ཆོས་ཅན་ཡིན་ནོ། །སྔོན་གྱི་སངས་རྒྱས་བཅོམ་ལྡན་འདས་རྣམས་ཀྱི་ཞིང་གི་ཡོན་ཏན་བཀོད་པ་དང་། ཉན་ཐོས་ཀྱི་ཡོན་ཏན་བཀོད་པ་དང་། བྱང
297a2 ཆུབ་སེམས་དཔའི་ཡོན་ཏན་བཀོད་པ་ཉེ་བར་སྤྱོད་པ་དང་། ཡོངས་སུ་སྤྱོད་པ་རྗེས་སུ་དྲན་ཞིང་སངས་རྒྱས་བཅོམ་ལྡན་འདས་དེ་དག་གི་གཟུགས་ཀྱི་སྐུ་ཕུན་སུམ་ཚོགས
297a3 པ་དང་། ཆོས་ཀྱི་འཁོར་ལོ་བསྐོར་བ་ཕུན་སུམ་ཚོགས་པའང་རྗེས་སུ་དྲན་ནོ། །དེ་དེ་ལྟར་རྗེས་སུ་དྲན་པ་ནི་འདུས་བྱས་ཀྱི་དངོས་པོ་ཐམས་ཅད་དང་། ཡོངས་སུ་འཛིན་པ
297a4 ཐམས་ཅད་ལ་མི་ལྟ་བའི་འདུ་ཤེས་པ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟར་དེ་འདི་སྙམ་དུ་སངས་རྒྱས་ཀྱི་ཞིང་རྒྱ་ཆེན་པོ་དང་། སངས་རྒྱས་ཀྱི་གཟུགས་ཀྱི་སྐུ་དེ་དག
297a5 ཀྱང་ཟད་པའི་ཆོས་ཉིད་ཀྱི་ཟད་པ་ཡིན་ཏེ། དེ་བས་ན་བདག་གི་ཡོངས་སུ་གཟུང་བ་འདིའང་མི་རྟག་གོ་སྙམ་དུ་སེམས་ཤིང་། དེ་བདག་གི་ཡོངས་སུ་གཟུང་བ་མི་རྟག
297a6 པ་ཉིད་ལའང་སྟོན། འགྱུར་བ་ལའང་སྟོན་ཏོ། །དེ་འདི་སྙམ་དུའང་སེམས་ཏེ། ཨེ་མའོ། འདུ་བྱེད་ཐམས་ཅད་ཤིན་ཏུ་མི་རྟག་ན་སེམས་ཅན་རྣམས་རྟག་པར་འདུ
297a7 ཤེས་སོ་སྙམ་དུ་དེ་སེམས་ཅན་རྣམས་ལ་སྙིང་རྗེ་ཆེན་པོ་སྐྱེ་ཞིང་དངོས་པོ་ཐམས་ཅད་ལ་མི་ལྟ་བར་འགྱུར་རོ། །རྣམ་པར་འཕྲུལ་པའི་རྒྱལ་པོ། འདི་ནི་བྱང་ཆུབ་སེམས
iiif viewer powered by OpenSeadragon
