| e-texts navigator |
| Wylie |
296b1 པར་ཤེས་པའི་ཕྱིར་རོ། །དེས་ཤེས་པ་དེ་ལྟ་བུ་དང་ལྡན་པས་འདུ་བྱེད་དུ་གཏོགས་པ་རྣམས་རྨི་ལམ་ལྟ་བུར་མོས་པར་བྱེད་དེ། འདི་ལྟ་སྟེ། དཔེར་ན། རྨི་ལམ་ན་སྐྱེ་བ་དང་།
296b2 འཆི་བ་དང་། བདེ་བ་དང་། སྡུག་བསྔལ་རྨི་བ་དེ་བཞིན་དུ་འདུ་བྱེད་ཐམས་ཅད་ལ་མོས་པར་བྱེད་དོ། །དེ་དེ་ལྟར་མོས་པས་འཁོར་བ་ལས་སྐྱོ་བར་མི་འགྱུར་ལ། སེམས་ཅན
296b3 ཐམས་ཅད་ལའང་སྙིང་རྗེ་བར་འགྱུར་རོ། །ཆོས་ཐམས་ཅད་ལ་བཅོས་མར་འདུ་ཤེས་སུ་འགྱུར་ཏེ། དེ་འདི་སྙམ་དུ་བདག་བསྐལ་པ་སྟོང་ཕྲག་འདི་སྙེད་གཅིག་ཏུ་འཁོར
296b4 བར་གྱུར་པ་དེ་ཡང་དག་པར་མ་ཡིན་ཞིང་མེད་པའོ། །འབྱུང་བ་ཆེན་པོ་རྣམས་ནི་མེད་པས་གང་ནས་འབྱུང་བ་ཆེན་པོ་རྣམས་མི་སྲིད་པའི་སེམས་ཅན་ཐམས་ཅད་ཀྱི་འཁོར
296b5 པའང་དེ་བཞིན་ཏེ། ཡང་དག་པར་མ་ཡིན་ཞིང་མེད་པའོ་སྙམ་དུ་མི་སེམས་སོ། །རྣམ་པར་འཕྲུལ་པའི་རྒྱལ་པོ། བྱང་ཆུབ་སེམས་དཔའ་དེ་སྔོན་གྱི་གནས་རྗེས་སུ་དྲན
296b6 པ་དེ་འབྱུང་བ་རྣམས་དང་། འདུ་བྱེད་རྣམས་མི་རྟག་པ་ཉིད་དུ་མཐོང་སྟེ། དེ་ཅིའི་ཕྱིར་ཞེ་ན། དེ་ནི་འཁོར་ལོས་བསྒྱུར་བའི་བདེ་བ་རྗེས་སུ་དྲན་པ་དེའང་མི་རྟག་པ་དང་། འགྱུར
296b7 པའི་ཆོས་ཅན་ཡིན། བརྒྱ་བྱིན་གྱི་བདེ་བ་རྗེས་སུ་དྲན་ལ་དེའང་མི་རྟག་པ་དང་། འགྱུར་བའི་ཆོས་ཅན་ཡིན། ཚངས་པའི་བདེ་བ་རྗེས་སུ་དྲན་ལ་དེའང་མི་རྟག་པ་དང་། འགྱུར་བའི
iiif viewer powered by OpenSeadragon
