| e-texts navigator |
| Wylie |
296a1 མཐོང་། ཕྱི་མའི་མཐའ་ནས་སྔོན་གྱི་མཐར་འགྲོ་བ་མེད་པར་མཐོང་ངོ་། །ཆོས་ཐམས་ཅད་གང་དུའང་འགྲོ་བ་དང་། འོང་བ་མེད་པར་རབ་ཏུ་ཤེས་སོ། །དེ་སྔོན
296a2 གྱི་མཐར་རྗེས་སུ་དྲན་པ་ན་སྔོན་གྱིས་མཐར་ལྟ་བར་མི་འགྱུར། དེ་ཕྱི་མའི་མཐའ་རྗེས་སུ་དྲན་པ་ན་ཕྱི་མའི་མཐར་ལྟ་བར་མི་འགྱུར་ཏེ། ཆོས་ཐམས་ཅད་མཐའ་དང་། དབུས་མེད
296a3 པར་ཡང་རབ་ཏུ་ཤེས་སོ། །དེ་སེམས་ཅན་ཐམས་ཅད་ཀྱི་སྔོན་གྱི་གནས་ཀྱང་རྗེས་སུ་དྲན་ལ་གཟུགས་སྔོན་གྱི་མཐས་དབེན་པ་ཉིད་དུའང་རབ་ཏུ་ཤེས། ཚོར་བ་དང་། འདུ་ཤེས
296a4 དང་། འདུ་བྱེད་རྣམས་དང་། རྣམ་པར་ཤེས་པ་སྔོན་གྱི་མཐས་དབེན་པ་ཉིད་དུའང་རབ་ཏུ་ཤེས་ཏེ། དེ་ཕུང་པོ་ལྔ་ཆར་སྔོན་གྱི་མཐས་དབེན་པ་ཉིད་དང་། ཕྱི་མའི་མཐས་དབེན
296a5 པ་ཉིད་དང་། ད་ལྟར་བྱུང་བས་དབེན་པ་ཉིད་དུ་རབ་ཏུ་ཤེས་སོ། །དེ་ཆོས་ཐམས་ཅད་སྔོན་གྱི་མཐས་སྟོང་པའི་ངོ་བོ་ཉིད་དང་། ད་ལྟར་བྱུང་བས་སྟོང་པའི་ངོ་བོ་ཉིད་དང་། ཕྱི་མཐས
296a6 སྟོང་པའི་ངོ་བོ་ཉིད་དུ་རབ་ཏུ་ཤེས་སོ། །རྣམ་པར་འཕྲུལ་པའི་རྒྱལ་པོ། བྱང་ཆུབ་སེམས་དཔའ་སྔོན་གྱི་གནས་རྗེས་སུ་དྲན་པ་ནི་སྔོན་གྱི་དགེ་བའི་རྩ་བ་ཡོངས་སུ་ཉམས་པར
296a7 ཡང་མི་འགྱུར་ལ། ལས་མངོན་པར་འདུ་བྱ་བ་སྔོན་བྱས་པའང་ཡོངས་སུ་ཟད་པར་འགྱུར་རོ། །དེ་ཅིའི་ཕྱིར་ཞེ་ན། དེས་ཆོས་ཐམས་ཅད་གསར་པ་མ་ཡིན་པ་དང་། རྙིང་པ་མ་ཡིན
iiif viewer powered by OpenSeadragon
