| e-texts navigator |
| Wylie |
294b1 པ་དང་། ཆོས་ཀྱི་དབྱིངས་ཀྱི་དཀྱིལ་འཁོར་ཡོངས་སུ་དག་པའི་ཕྱིར་སེམས་ཅན་རྣམས་ཀྱི་སེམས་ཀྱི་སྤྱོད་པ་ཇི་ལྟ་བུར་འབྱུང་བ་དེ་དག་ཐམས་ཅད་རབ་ཏུ་ཤེས་ཏེ། བྱང
294b2 ཆུབ་སེམས་དཔའ་རང་གི་སེམས་ལ་སྒྲིབ་པའང་མེད། གཞན་གྱི་སེམས་ལ་སྒྲིབ་པའང་མེད་དོ། །དེ་ན་གལ་ཏེ་འཁོར་འདོད་ཆགས་ལ་སྤྱོད་པ་ཡིན་ནའང་དེའི་སེམས་རབ་ཏུ
294b3 ཤེས་སོ། །འདོད་ཆགས་དང་བྲལ་བའི་སེམས་ཀྱང་ཡང་དག་པར་མཐོང་ངོ་། །དེ་ཅིའི་ཕྱིར་ཞེ་ན། སེམས་ཀྱི་རང་བཞིན་ཆགས་པ་མེད་པའི་ཕྱིར་རོ། །གལ་ཏེ་འཁོར་ཞེས་སྡང
294b4 ལ་སྤྱོད་པ་ཡིན་ནའང་དེའི་སེམས་རབ་ཏུ་ཤེས་སོ། །ཞེ་སྡང་དང་བྲལ་བའི་སེམས་ཀྱང་ཡང་དག་པར་མཐོང་ངོ་། །དེ་ཅིའི་ཕྱིར་ཞེ་ན། སེམས་ཀྱི་རང་བཞིན་ཞེ་སྡང་མ་ཡིན
294b5 པའི་ཕྱིར་རོ། །གལ་ཏེ་འཁོར་གཏི་མགུ་ལ་སྤྱོད་པ་ཡིན་ནའང་དེའི་སེམས་རབ་ཏུ་ཤེས་སོ། །གཏི་མུག་དང་བྲལ་བའི་སེམས་ཀྱང་ཡང་དག་པར་མཐོང་ངོ་། །དེ་ཅིའི་ཕྱིར་ཞེ་ན།
294b6 སེམས་ཀྱི་རང་བཞིན་ནི་གཏི་མུག་མ་ཡིན་པའི་ཕྱིར་རོ། །གལ་ཏེ་འཁོར་ཉན་ཐོས་ཀྱི་ཐེག་པ་ལ་མོས་པ་ཡིན་ནའང་སྤྱོད་པ་དེ་ཁོ་ན་བཞིན་དུ་ཤེས་ཏེ། ཆོས་ཀྱི་དབྱིངས་ཆུང
294b7 བར་ཡང་མི་བྱེད་དོ། །གལ་ཏེ་འཁོར་རང་སངས་རྒྱས་ཀྱི་ཐེག་པ་ལ་མོས་པ་ཡིན་ནའང་སྤྱོད་པ་དེ་ཁོ་ན་བཞིན་དུ་ཤེས་ཏེ། ཆོས་ཀྱི་དབྱིངས་འབྲིང་དུའང་མི་བྱེད་དོ། །གལ་ཏེ
iiif viewer powered by OpenSeadragon
