| e-texts navigator |
| Wylie |
293b1 ཉིད་དེ་ནི་སངས་རྒྱས་ཀྱི་ཚིག་མ་ཡིན་ཏེ། བརྗོད་དུ་མེད་པ་ནི་སངས་རྒྱས་ཀྱི་ཚིག་ཡིན་པའི་ཕྱིར་རོ། །དེ་བས་ན་སངས་རྒྱས་ཀྱི་ཚིག་ཅེས་བྱའོ། །གང་སངས་རྒྱས་ཀྱི་ཚིག་ལ
293b2 འཇུག་པ་དེ་ནི་ཚིག་མེད་པ་ལ་འཇུག་པའོ། །གལ་ཏེ་ཚིག་ལ་འཇུག་ན་སངས་རྒྱས་ཀྱི་ཚིག་ལ་འཇུག་པ་མ་ཡིན་ནོ། །རྣམ་པར་འཕྲུལ་པའི་རྒྱལ་པོ། སངས་རྒྱས་ཀྱི་ཚིག་ལ་འཇུག
293b3 པར་འདོད་པས་ཚིག་གང་གིས་གང་ཟག་ཅེས་བྱ་བའམ། ཆོས་ཤེས་པ་སྟོན་པར་གྱུར་པ་དེ་ཚིག་ཏུ་བལྟ་བར་མི་བྱའོ། །དེ་ཅིའི་ཕྱིར་ཞེ་ན། གང་ལ་གཉིས་ཡོད་པ་དེ
293b4 སངས་རྒྱས་ཀྱི་ཚིག་མ་ཡིན་པའི་ཕྱིར་ཏེ། སངས་རྒྱས་ཀྱི་ཚིག་ནི་གཉིས་སུ་མེད་པའོ། །གང་ལ་སྒྲ་ཡོད་པ་དེ་ནི་སངས་རྒྱས་ཀྱི་ཚིག་མ་ཡིན་ཏེ། སངས་རྒྱས་ཀྱི་ཚིག་ནི་སྒྲ་མེད
293b5 པའོ|་|གང་ལ་བརྗོད་པ་ཡོད་པ་དེ་ནི་སངས་རྒྱས་ཀྱི་ཚིག་མ་ཡིན་ཏེ། སངས་རྒྱས་ཀྱི་ཚིག་ནི་བརྗོད་པ་མེད་པའོ། །རྣམ་པར་འཕྲུལ་པའི་རྒྱལ་པོ། དེ་ལྟ་བས་ན་བྱང་ཆུབ
293b6 སེམས་དཔའ་གང་སངས་རྒྱས་ཀྱི་ཚིག་ལ་ཞུགས་པ་དེ་ནི་མངོན་པར་ཤེས་པ་ཐོབ་པ་ཞེས་བྱ་སྟེ། དེ་ལྷའི་རྣ་བ་དེས་སྒྲ་ཐམས་ཅད་ཆོས་ཉིད་དང་མཐུན་པར་སངས
293b7 རྒྱས་ཀྱི་བྱང་ཆུབ་རྟོག་པར་བྱེད་དོ། །རྣམ་པར་འཕྲུལ་པའི་རྒྱལ་པོ། འདི་ལྟ་སྟེ། ལྷའི་རྣ་བ་འདི་ནི་བྱང་ཆུབ་སེམས་དཔའི་མངོན་པར་ཤེས་པ་གཉིས་པའོ།། །།
iiif viewer powered by OpenSeadragon
