| e-texts navigator |
| Wylie |
291b1 མཚན་མ་མེད་པའོ། །ཆོས་ཞེས་བྱ་བ་ནི་འདུས་མ་བྱས་པའོ། །ཆོས་ཞེས་བྱ་བ་ནི་མཐའ་ཡས་པ། དཔེ་མེད་པ། མི་འགྱུར་བ། དམིགས་སུ་མེད་པ། མི་སྐྱེ་བ། མ་སྐྱེས་པ
291b2 སྟེ|་གང་ཆོས་དེ་ལྟ་བུ་ལ་རློམ་སེམས་མེད་པ་དང་། རྟོག་པ་མེད་པ་དང་། འདུ་ཤེས་དང་། ཡིད་ཀྱི་འདུ་བྱེད་སྤྲོས་པ་མེད་པ་དང་། བླང་བ་མེད་པ་དང་། དོར་བ་མེད་པ་དེ་ནི
291b3 ཆོས་ཞེས་བྱའོ། །དེ་དོན་ལ་རྟོན་པ་ཡིན་གྱི་ཚིག་འབྲུ་ལ་རྟོན་པ་མ་ཡིན། ཚིག་འབྲུ་སྤོང་བས་དོན་ལ་རྟོན་བའང་མ་ཡིན་ནོ། །དེ་དོན་ལ་འབབ་པའི་བློས་ཆོས་ཉན་ཏེ། ཇི་ལྟར་ན་དོན
291b4 ལ་འབབ་པའི་བློ་གང་ཞེ་ན། གང་སྟོང་པ་ཉིད་ཀྱི་དོན་གྱིས་ལྟ་བར་མི་ལྟུང་བ་དང་། གང་མཚན་མ་མེད་པའི་དོན་གྱིས་མཚན་མར་མི་ལྟུང་བ་དང་། གང་སྨོན་པ་མེད་པའི་དོན་གྱིས
291b5 སྨོན་པར་མི་ལྟུང་བ་སྟེ་དེ་ལྟར་ན་དོན་ལ་འབབ་པའི་བློ་ཡིན་ནོ། །གང་ལས་ཆོས་ཉན་པ་དང་། གང་ལས་དོན་ལ་རྟོན་པ་དེའང་དོན་དུ་མི་དམིགས་ཏེ། དེ་དམིགས་སུ་མེད་པ
291b6 ལའང་དམིགས་པར་མི་འགྱུར་རོ། །དེ་ལ་སངས་རྒྱས་བཅོམ་ལྡན་འདས་དེ་དག་ལ་ཆོས་ཉན་ཏེ། ངེས་པའི་དོན་གྱི་མདོ་སྡེ་ལ་རྟོན་པ་ཡིན་གྱི་དྲང་བའི་དོན་གྱི་མདོ་སྡེ་ལ་རྟོན་པ
291b7 མ་ཡིན་ནོ། །ངེས་པའི་དོན་གྱི་མདོ་སྡེ་གང་ཞེ་ན། བརྗོད་དུ་མེད་པའི་ཕྱིར་མདོ་སྡེ་ཐམས་ཅད་ནི་ངེས་པའི་དོན་ཏེ། དེ་ལྟར་ན་ངེས་པའི་དོན་གྱི་མདོ་སྡེ་ལ་རྟོན་པ་ཡིན་ནོ། །ངེས
iiif viewer powered by OpenSeadragon
