| e-texts navigator |
| Wylie |
289b1 དུད་འགྲོའམ། ཡི་དྭགས་སམ། ལྷ་མ་ཡིན་ནམ། ལྷ་འམ། མིའང་རུང་སྟེ། གཟུགས་མེད་པ་ན་སྤྱོད་པ་མ་གཏོགས་པར་དེ་དག་ཐམས་ཅད་ཀྱི་འཆི་འཕོ་དང་། སྐྱེ་བ་དང
289b2 ཁ་དོག་བཟང་པོ་དང་། ཁ་དོག་ངན་པ་དང་། བདེ་འགྲོ་དང་། ངན་འགྲོ་དང་། ངན་པ་དང་། བཟང་པོ་རྣམས་མཐོང་ཞིང་སེམས་ཅན་དེ་དག་གི་སྣང་བ་ཙམ་དུ་རབ་ཏུ་ཤེས
289b3 སོ|་|གཟུགས་སུ་སྣང་བ་དེ་དག་ཐམས་ཅད་ཀྱང་ལས་ཀྱི་རྣམ་པར་སྨིན་པར་ཐམས་ཅད་ཀྱང་རབ་ཏུ་ཤེས་ཤིང་ཁོང་དུ་ཆུད་དོ། །དེ་སེམས་ཅན་རྣམས་མཐོང་ཞིང་ལས་ཀྱི
289b4 རྣམ་པར་སྨིན་པ་རབ་ཏུ་ཤེས་ཀྱང་བདག་མེད་པའི་མཐའ་ཚད་མར་བྱས་ནས་སེམས་ཅན་རྣམས་ལ་སེམས་ཅན་གྱི་འདུ་ཤེས་སུ་མི་འགྱུར་རོ། །དེ་ལྷའི་མིག་དེས་གཟུགས
289b5 སུ་གཏོགས་པ་ཐམས་ཅད་མཐོང་སྟེ། དངོས་པོ་མེད་པ་ཉིད་ཀྱི་ཕྱིར་གཟུགས་སུ་སྣང་བ་དེ་དག་ཐམས་ཅད་ཀྱང་སྣང་བ་ཙམ་དུ་རབ་ཏུ་ཤེས་སོ། །གཟུགས་སུ་སྣང་བ་དེ
289b6 དག་ཐམས་ཅད་ཀྱང་སྔོན་གྱི་མཐའ་སྐྱེ་བ་མེད་པའི་ཕྱིར་ཡང་དག་པ་མ་ཡིན་པར་རབ་ཏུ་ཤེས་ལ། ལྷའི་མིག་སྒྲིབ་པ་མེད་པ་དེ་མངོན་པར་སྒྲུབ་པ་མ་ཡིན་ནོ། །དེ་ཤེས
289b7 རབ་ཀྱི་སྟོབས་དང་ལྡན་པས་འདོད་ན་གཟུགས་ཉེ་བར་འཁོར་དུ་གྱུར་པ་དང་མཚུངས་པར་ཡང་མཐོང་བར་འགྱུར། འདོད་ན་མི་མཐོང་བར་ཡང་འགྱུར། དེ་འདོད
iiif viewer powered by OpenSeadragon
